Bollivud yulduzi — Aliya Bhatt haqida qiziqarli faktlar (foto)

Hind kinosanoatida o‘z o‘rniga ega bo‘lgan Aliya Bhatt haqidagi ma’lumotlarni e’tiboringizga havola etamiz.

Aliya Bhatt 1993-yil 15-mart Mumbayda Mahesh Bhatt va Soni Razdanning oilasida dunyoga kelgan. Ota-onasining har ikkisi ham kino sanoatining mashhur vakillaridan bo‘lgan. Otasi Bollivudning eng mashhur prodyuseri,rejissori va ssenariy muallifi hisoblanadi. Onasi esa bir necha filmlarda suratga tushgan. Bolaligida to‘ladan kelgani uchun uni yaqinlari Alu deb chaqirgan. Debyut filmi “Yil talabasi” uchun Aliyaning 16 kilo vazn tashlashiga to‘g‘ri kelgan. Bosh rol uchun o‘zini juda ham yosh deb hisoblagani sababli kastingdan o‘tishiga shubha bilan qaragan. U suratga olish jarayonlari sabab 12-sinfni tugata olmagan.

Rejissor Karan Johar unga vazn tashlay olsagina, “Yil talabasi”da suratga tushishi mumkinligini aytgan. Uning ijrosi turli muhokamalarga sabab bo‘lgan. Ba’zi tanqidchilar uni Karina Kapurning debyuti bilan solishtirgan.

U ilk bor ekranda 1999-yilda suratga olingan “Jinoiy roman” filmida Priti Zintaning singlisi sifatida ko‘rinish bergan. “Footpath” filmini ilk bor tomosha qilganida unda suratga tushgan Emran Hashmi uning amakivachchasi ekanini bilmagan.

Otasi Aliyaning onasidan avval Loreyn Brayt ismli ayol bilan turmush qurgan. Birinchi turmushida Puja va Rahul ismli o‘g‘il dunyoga kelgan. 1900-yilda suratga olingan “Aashiqui” filmi Mahesh va uning birinchi rafiqasining sevgisi hikoyasidan ilhomlanilgan. Ularning munosabatiga Mahesh Parvin Babiga ilakishib qolganidan keyin nuqta qo‘yilgan.

Aliya gandbol bilan professional shug‘ullanishdan tashqari 4 yil davomida raqs bilan ham mashg‘ul bo‘lgan.