Futbol bo‘yicha Yevropa chempionati guruh bosqichi 3-turi doirasidan o‘rin olgan ikki o‘yin 21-iyun, dushanba kuni bo‘lib o‘tdi.
Belgiya Sankt-Peterburgda Finlyandiya ustidan ishonchli g‘alabaga erishdi. 74-daqiqada Lukash Gradetski o‘z darvozasiga gol urib qo‘ygan bo‘lsa, 81-daqiqada Romelu Lukaku o‘yinga yakuniy nuqtani qo‘yib berdi: 2:0.
Guruhning ikkinchi o‘yinida Daniya terma jamoasi Rossiyani 4:1 hisobida yanchib tashladi. Daniyaliklar safida Mikkel Damsgor, Yusuf Poulsen, Andreas Kristensen va Yoakim Mele o‘z hisobiga gol yozdirib qo‘ygan bo‘lsa, Artyom Dzyuba ruslarning yagona golini 11 metrlik jarima zarbasidan kiritdi.
Shu tariqa B guruhidagi o‘yinlar o‘z yakuniga yetdi. Belgiya har uchala o‘yinda g‘alaba qozonib, birinchi o‘rin bilan guruhdan chiqqan bo‘lsa, Daniya ikkinchi o‘rin bilan 1/8 finalga yo‘l oldi. Finlyandiya esa qolgan guruhlardagi uchrashuvlar yakunlanishini kutib turishi kerak bo‘ladi. 3-turdan keyin guruhdagi holat quyidagicha ko‘rinish oldi:
Yevro—2020
21-iyun, dushanba
Guruh bosqichi, 3-tur
Finlyandiya — Belgiya 0:2
Gollar: 0:1 – 74, avtogol Gradetski, 0:2 – 81 Lukaku.Finlyandiya: Gradetski, Toyvio, Oshonessi, Uronen (Alxo, 70), Arayuuri, Lud (Forss, 90), Sparv (Shyuller, 59), Kamara, Raytala, Pohyanpalo (Kauko, 70), Pukki (Yensen, 90).
Belgiya: Kurtua, Vermalen, Boyata, Denayer, de Bryuyne (Vanaken, 90), Eden Azar, Vitsel, Trossard (Menye, 75), Shadli, Doku (Batshuayi, 76), Lukaku (Benteke, 84).
Rossiya — Daniya 1:4
Gollar: 0:1 – 38 Damsgor, 0:2 – 59 Poulsen, 1:2 – 70, penalti Dzyuba, 1:3 – 79 Kristensen, 1:4 – 82 Mele.Rossiya: Safonov, Diveyev, Jikiya, Kudryashov (Karavayev, 67), Fernandes, Ozdoyev (Jemaletdinov, 62), Golovin, Zobnin, Kuzyayev (Muxin, 67), Miranchuk (Sobolev, 61), Dzyuba.
Daniya: Shmeyxel, Mele, Kyer, Vestergor, Vass (Larsen, 60), Dileyni (Yensen, 86), Hyoybyerg, Damsgor (Nergor, 72), Kristensen, Poulsen (Dolberg, 60), Breytueyt (Kornelius, 85).
Ogohlantirishlar: Kudryashov (28), Dileyni (57), Diveyev (75).
Izoh (0)