Евро—2020. 5 та гол урилган ўйинда Дания Россияни янчиб ташлади ва 1/8 финалга йўл олди, Бельгия 3-ўйинда ҳам ғалаба қозонди
Футбол бўйича Европа чемпионати гуруҳ босқичи 3-тури доирасидан ўрин олган икки ўйин 21 июнь, душанба куни бўлиб ўтди.
Бельгия Санкт-Петербургда Финляндия устидан ишончли ғалабага эришди. 74-дақиқада Лукаш Градецки ўз дарвозасига гол уриб қўйган бўлса, 81-дақиқада Ромелу Лукаку ўйинга якуний нуқтани қўйиб берди: 2:0.
Гуруҳнинг иккинчи ўйинида Дания терма жамоаси Россияни 4:1 ҳисобида янчиб ташлади. Данияликлар сафида Миккел Дамсгор, Юсуф Поульсен, Андреас Кристенсен ва Ёаким Меле ўз ҳисобига гол ёздириб қўйган бўлса, Артём Дзюба русларнинг ягона голини 11 метрлик жарима зарбасидан киритди.
Шу тариқа B гуруҳидаги ўйинлар ўз якунига етди. Бельгия ҳар учала ўйинда ғалаба қозониб, биринчи ўрин билан гуруҳдан чиққан бўлса, Дания иккинчи ўрин билан 1/8 финалга йўл олди. Финляндия эса қолган гуруҳлардаги учрашувлар якунланишини кутиб туриши керак бўлади. 3-турдан кейин гуруҳдаги ҳолат қуйидагича кўриниш олди:
Евро—2020
21 июнь, душанба
Гуруҳ босқичи, 3-тур
Финляндия — Бельгия 0:2
Голлар: 0:1 – 74, автогол Градецки, 0:2 – 81 Лукаку.Финляндия: Градецки, Тойвио, Ошонесси, Уронен (Алхо, 70), Араюури, Луд (Форсс, 90), Спарв (Шюллер, 59), Камара, Райтала, Поҳянпало (Кауко, 70), Пукки (Йенсен, 90).
Бельгия: Куртуа, Вермален, Боята, Денаер, де Брюйне (Ванакен, 90), Эден Азар, Витцель, Троссард (Менье, 75), Шадли, Доку (Бацҳуайи, 76), Лукаку (Бентеке, 84).
Россия — Дания 1:4
Голлар: 0:1 – 38 Дамсгор, 0:2 – 59 Поульсен, 1:2 – 70, пенальти Дзюба, 1:3 – 79 Кристенсен, 1:4 – 82 Меле.Россия: Сафонов, Дивеев, Жикия, Кудряшов (Караваев, 67), Фернандес, Оздоев (Жемалетдинов, 62), Головин, Зобнин, Кузяев (Мухин, 67), Миранчук (Соболев, 61), Дзюба.
Дания: Шмейхель, Меле, Кьер, Вестергор, Васс (Ларсен, 60), Дилэйни (Йенсен, 86), Ҳёйбьерг, Дамсгор (Нергор, 72), Кристенсен, Поульсен (Дольберг, 60), Брэйтуэйт (Корнелиус, 85).
Огоҳлантиришлар: Кудряшов (28), Дилэйни (57), Дивеев (75).
