Gollivudning eng chiroyli juftliklaridan biri hisoblanuvchi va yaqinda ota-onaga aylangan Xoakin Feniks hamda Runi Mara yana bir bor ekranda birlashadi, deb xabar beradi “Film.ru”.
Aktyorlar “Sen bu yerda hech qachon bo‘lmagansan” va “Kevinga nimadir bo‘ldi” kabi filmlari bilan tanilgan rejissor Linn Remsining yangi filmida suratga tushadi.
Lenta “Qutb yulduzi” (“Polar”) nomiga ega bo‘lgan, hozircha u haqida boshqa batafsil ma’lumotlar yo‘q. Juftlik bo‘lajak loyihaga biriktirilganini tasdiqlagan film postanovkachisi, shuningdek, Feniksni “hozirga qadar uchratgan eng yaxshi aktyorim” deb atagan.
“Bu aqlsizlik, lekin u rostan ham men hozirga qadar uchratgan eng yaxshi aktyor. U maydonchadagi hech narsani shunchaki qilmaydi. Shu kabi original fikr paydo bo‘lsa to‘g‘ri, qiyin, lekin filmni Xoakin bilan birga tayyorlayotganingdan xursand bo‘lmaslikning iloji yo‘q”, — deya ta’kidlaydi Remsi.
Ma’lumot uchun, Feniks va Mara bunga qadar “Mariya Magdalina”, “U”, “Xavotirlanma, u uzoqqa ketmaydi” kabi filmlarda birga suratga tushgan.
Eslatib o‘tamiz, aktyorlar uch yillik munosabatlardan so‘ng 2019-yilda turmush qurgan edi. 46 yoshli aktyor Xoakin Feniks “Gladiator”, “Joker”, “Ruanda mehmonxonasi” va boshqa filmlarda suratga tushgan. 35 yoshli Runi Mara esa “Iztiroblar girdobida”, “Kerol”, “Ajdarho tatuirovkali qiz”, “Sharpa tarixi” kabi filmlarda turli obrazlarni yaratgan.
Izoh (0)