People jurnali Amerikani yaxshi ko‘rishning yuzta sababi ro‘yxatini e’lon qildi va uning birinchi pog‘onasini aktyor Dueyn Jonson egalladi, deb xabar beradi “Film.ru”. Endilikda aktyorni bemalol milliy boylik deb atash mumkin. “Qoya”ning o‘zi bu kabi tanlovdan ta’sirlanganini ma’lum qilgan.
“Bu yoqimli. O‘tgan yillar davomida menga yetarlicha muvaffaqiyat olib kelgan karyerani qurish baxtiga muyassar bo‘ldim. Va men bu kabi hodisalarni har doim qadrlayman. Hozirda ulg‘aygunimga qadar ko‘p ishlarni qilgan joyim — Gavayidamiz, biroq u paytlar oddiy Dueyn Jonson, maktabga qatnashi oson bo‘lmagan bolakay edim. Hech qachon yashirin orzularimda ham qachonlardir People muqovasidan joy olishimni tasavvur qilmagandim, ayniqsa, bu kabi sarlavha bilan”, — deydi Jonson.
Shuningdek, Dueyn Jonson Forbes ro‘yxatining eng ko‘p maosh to‘lanadigan aktyorlar qatoriga yetakchilik qilgan. 2021-yilning fevral oyida uning yoshligi haqida “Yosh Qoya” nomli serial efirga chiqqan edi.
Avvalroq amerikaliklarning deyarli yarmi Dueyn Jonson prezidentlik saylovlarida ishtirok etishini xohlayotgani, uning o‘zi esa AQSh prezidentligi saylovlarida ishtirok etishi mumkinligini istisno etmagani to‘g‘risida xabar berilgandi.
Izoh (0)