Abdusalom Azizov: “Ayrimlar futbolni biznes qilib oldi. Futbol agentiga aylanib ketgan murabbiylar bor”

O‘zbekiston futbol assotsiatsiyasining navbatdan tashqari yig‘ilishi 19-iyun, shanba kuni bo‘lib o‘tdi. Unda so‘zga chiqqan O‘FA prezidenti Abdusalom Azizov o‘zbek futbolidagi muammolarga to‘xtaldi, deya xabar qilmoqda “Daryo” muxbiri.

Biz futbolda ko‘p narsani yo‘qotdik. Yo‘qotish qaysi ma’nodaki, ayrimlar buni biznes qilib oldi. Bu narsa bolalar futbol maktablaridan boshlangan. Iqtidorlar emas, kimdir kimningdir iltimosi bilan maktabga qabul qilinadi. Eng katta kamchiligimiz jamoalarga tanlovlarda bo‘lyapti, tayyorgarlik tizimida bo‘lyapti, ijodiy yondashuv yo‘qligida bo‘lyapti.

Murabbiy bu — ijodkor. Jamoani faqat ijodiy tomondan yuksaltiradigan shaxs. Lekin bizni futbolda murabbiy — o‘zi menejer, o‘zi ma’mur. Kerak bo‘lsa o‘zi mehmonxona buyurtma qiladi, o‘zi transport topadi, pullarni o‘zi taqsimlaydi. Hammasi shunga yopishib olgan. Bundan keyin klublarda murabbiylik alohida va ma’muriy menejment alohida tashkil qiladi. O‘FA buni nazoratga oladi.

Xuddi shu gap agentlik tashkil qilishga ham tegishli. Murabbiy futbol agenti bo‘lishi mumkin emas. Ming afsuski, bugungi kunda bizda shunday holatlar bor. Murabbiyning o‘zi agent bo‘lgandan keyin, albatta, gap-so‘zlar chiqadi. Mana shu yuqorida izohsiz qolgan savollarning javobi. Futbolchilar, rahbarlar aytmagan bo‘lsa, men ochiq aytaman. Murabbiy agent bo‘lgandan keyin, albatta, o‘zining o‘yinchisini reklama qiladi. Buni bartaraf qilamiz.

Abdusalom Azizov, O‘FA prezidenti

Mavzuga doir:

• Abdusalom Azizov: “Bolalar futbolidan tortib, barcha futbol tizimimizni qayta ko‘rib chiqish lozimligini to‘liq tushunib yetdik”
• Odil Ahmedov O‘zbekiston terma jamoasidagi faoliyatini yakunlaganini e’lon qildi
• Rasman: Vadim Abramov O‘zbekiston milliy terma jamoasi bosh murabbiyligidan ketdi
• Birodar Abduraimov Odil Ahmedovga: “Yugurish kerak, uka. O‘zbekiston terma jamoasida bunday o‘ynash aslo mumkin emas”