Ўзбекистон футбол ассоциациясининг навбатдан ташқари йиғилиши 19 июнь, шанба куни бўлиб ўтди. Унда сўзга чиққан ЎФА президенти Абдусалом Азизов ўзбек футболидаги муаммоларга тўхталди, дея хабар қилмоқда «Дарё» мухбири.
Биз футболда кўп нарсани йўқотдик. Йўқотиш қайси маънодаки, айримлар буни бизнес қилиб олди. Бу нарса болалар футбол мактабларидан бошланган. Иқтидорлар эмас, кимдир кимнингдир илтимоси билан мактабга қабул қилинади. Энг катта камчилигимиз жамоаларга танловларда бўляпти, тайёргарлик тизимида бўляпти, ижодий ёндашув йўқлигида бўляпти.Мавзуга доир:Мураббий бу — ижодкор. Жамоани фақат ижодий томондан юксалтирадиган шахс. Лекин бизни футболда мураббий — ўзи менежер, ўзи маъмур. Керак бўлса ўзи меҳмонхона буюртма қилади, ўзи транспорт топади, пулларни ўзи тақсимлайди. Ҳаммаси шунга ёпишиб олган. Бундан кейин клубларда мураббийлик алоҳида ва маъмурий менежмент алоҳида ташкил қилади. ЎФА буни назоратга олади.
Худди шу гап агентлик ташкил қилишга ҳам тегишли. Мураббий футбол агенти бўлиши мумкин эмас. Минг афсуски, бугунги кунда бизда шундай ҳолатлар бор. Мураббийнинг ўзи агент бўлгандан кейин, албатта, гап-сўзлар чиқади. Мана шу юқорида изоҳсиз қолган саволларнинг жавоби. Футболчилар, раҳбарлар айтмаган бўлса, мен очиқ айтаман. Мураббий агент бўлгандан кейин, албатта, ўзининг ўйинчисини реклама қилади. Буни бартараф қиламиз.
Абдусалом Азизов, ЎФА президенти
- Абдусалом Азизов: «Болалар футболидан тортиб, барча футбол тизимимизни қайта кўриб чиқиш лозимлигини тўлиқ тушуниб етдик»
- Одил Аҳмедов Ўзбекистон терма жамоасидаги фаолиятини якунлаганини эълон қилди
- Расман: Вадим Абрамов Ўзбекистон миллий терма жамоаси бош мураббийлигидан кетди
- Биродар Абдураимов Одил Аҳмедовга: «Югуриш керак, ука. Ўзбекистон терма жамоасида бундай ўйнаш асло мумкин эмас»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)