O‘zbekiston futbol assotsiatsiyasining navbatdan tashqari kongressi 19-iyun, shanba kuni bo‘lib o‘tdi. Unda O‘FA rahbari O‘zbekiston terma jamoasi bosh murabbiyi Vadim Abramov bilan shartnoma bekor qilinishini e’lon qildi, deb xabar beradi “Daryo” muxbiri.
Agar saralashning uchinchi bosqichiga chiqish vazifasi bajarilmaydigan bo‘lsa, murabbiylar shtabi bilan bekor qilinishini shartnomada ko‘zda tutgandik. Shuning uchun bugundan boshlab Vadim Abramov boshchiligidagi murabbiylar shtabi bilan shartnoma bekor qilinadi.Ma’lumot uchun, Vadim Abramov shu tariqa faoliyatida ikkinchi marta mamlakat bosh jamoasi bosh murabbiyligidan iste’foga chiqarildi. U dastlab 2010-yil aprel oyida O‘zbekiston terma jamoasi bosh murabbiyiga aylangandi. 2012-yil 4-iyunida esa iste’foga chiqarilgan.Kim terma jamoa bosh murabbiyi bo‘ladi degan savol — bir kunlik vazifa emas. Futbol faxriylari, mutaxassislari bilan muhokama qilamiz. O‘zimizning murabbiylarni ham, Yevropa mutaxassislarini ham ko‘rib chiqamiz. Har xil bahonalarga o‘rin qoldirmaslik uchun. 1, 1,5 oy muddatda mutaxassislar jamoasini topib, terma jamoa kim bilan shartnoma tuzish masalasi ommaga yetkaziladi.
Abdusalom Azizov, O‘FA rahbari
Izoh (0)