Dunyo va o‘zbek sportiga oid 19-iyun tongining muhim xabarlari dayjesti bilan tanishing.
O‘zbekiston
Bugun Vadim Abramovning terma jamoadagi kelajagi hal bo‘ladi. 19-iyun kuni MOQ majlislar zalida O‘FAning navbatdan tashqari yig‘ilishi bo‘lib o‘tadi. Katta ehtimol bilan unda O‘zbekiston terma jamoasi bosh murabbiyi masalasi ko‘rib chiqiladi.
Boks
Bektemir Meliqo‘ziyev prof boksdagi navbatdagi jangini o‘tkazadi
Professional boksning super o‘rta vazn (-76,2 kg) toifasida ringga chiqayotgan o‘zbekistonlik Bektemir Meliqo‘ziyev (7-0, 6 KO) o‘zining navbatdagi jangini amerikalik Gabriel Rosadoga (25-13, 14 KO) qarshi o‘tkazadi. Jang o‘tkaziladigan musobaqa Toshkent vaqti bilan 19-iyundan 20-iyunga o‘tar kechasi 00:30 da boshlanadi.
Jahon
Yevro—2020 doirasidagi 18-iyun kungi o‘yinlarda Shvetsiya Slovakiya ustidan minimal hisobdagi g‘alabani qo‘lga kiritdi. Xorvatiya va Chexiya o‘rtasidagi o‘yin 1:1 hisobidagi durang bilan tugadi. Angliya — Shotlandiya uchrashuvida esa hisob ochilmadi.
Angliya terma jamoasi 1999-yildan buyon shotlandlarga yutqazmayapti. 22 yil avvalgi bahsda Shotlandiya 1:0 hisobida g‘alaba qozongandi. Angliya bu o‘yinda Yevro va JCh tarixidagi eng yosh tarkibini maydonga tushirdi — 25 yosh-u 31 kun.
Shuningdek, bu Angliya uchun Yevro va JCh tarixidagi 17-nursiz durang bo‘ldi. Bu borada inglizlar rekordchi hisoblanadi.
Eriksen shifoxonadan chiqdi
Daniya terma jamoasi va “Inter” yarim himoyachisi Kristian Eriksen shifoxonadan chiqdi. 29 yoshli operatsiyadan muvaffaqiyatli o‘tgan, uning yuragiga kardioverter-defibrillyator o‘rnatilgan. Eriksen juma kuni terma jamoa bazasiga borgan va shundan keyin uyiga yo‘l olgan.
Zlatan ham operatsiya qilindi. “Milan” hujumchisi tizzasidan operatsiya qilindi. Qayd etilishicha, futbolchining tiklanishiga ikki oy vaqt ketadi va Zlatan mavsum startiga qadar maydonga tushishga tayyor bo‘ladi. U jarohat sabab Yevro—2020 ni o‘tkazib yuborgandi.
Serxio Ramos yangi jamoa izlashda davom etmoqda. Jurnalist Xosep Pedrerolga ko‘ra, futbolchi “Milan” bilan muzokara o‘tkazgan. 35 yoshli futbolchi yangi jamoasidan 2 yillik shartnoma va yiliga 15 million yevro maosh so‘ramoqda. Bundan tashqari Ramos 20 million yevro ko‘tarma puli olish istagida.
“PSJ” Pol Pogbaga qiziqish bildirmoqda
Le Parisien nashrining xabar qilishicha, “PSJ” Pogba bilan bog‘liq vaziyatni kuzatmoqda. O‘tgan haftada Pogbaning agenti parijliklar prezidenti Nossir al-Halayfi bilan uchrashgan. Unda Moyze Kinning qolishi va Bakkerning ketishi muhokamasi bilan birgalikda Pogba transferi haqida ham so‘z borgani aytilmoqda. “Manchester Yunayted” Pogba bilan 2022-yilga qadar mo‘ljallangan shartnomani uzaytirish niyatida, biroq futbolchi bunga ko‘nmayapti.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)