Futbol bo‘yicha O‘zbekiston Superligasining 10-turidan o‘rin olgan o‘yinda “Qizilqum” va “Surxon” klublari 18-iyun, juma kuni o‘zaro bahs yuritdi.
Navoiydagi o‘tgan bellashuvda jamoalar 1 ochkodan bo‘lishib oldi. Dastlab birinchi bo‘limda Jasur Xolto‘rayev mehmonlarni hisobda oldinga olib chiqqandi. Biroq ikkinchi 45 daqiqalikda Erkin Boydullayev muvozanatni tiklashga muvaffaq bo‘ldi.
Ushbu durangdan keyin “Qizilqum”ning ochkolari 11 taga yetdi, jamoa 9-o‘rinda bormoqda. “Surxon” esa 8 ochko bilan 12-pog‘onani band etgan.
Superliga
10-tur bahsi
18-iyun, juma
“Qizilqum” — “Surxon” 1:1
Gollar: 1:0 — 37 Xolto‘rayev, 1:1 — 57 Boydullayev.“Qizilqum”: 1.Ignatiy Nesterov, 6.Erkin Boydullayev, 7.Oybek Qilichev (10.Mate Vatsadze, 52), 8.Giorgi Kuxianidze, 14.Fayzullo Qambarov, 17.Salim Mustafoyev, 18.Jasur Azimov (21.Muhsin Ubaydullayev, 76), 19.Jamshid Hasanov (30.Elguja Grigalashvili, 52), 20.Islom To‘xtaxo‘jayev, 23.Sherali Jo‘rayev, 75.Oleg Tolmasov.
“Surxon”: 1.Azamat Ahmedov, 6.Alisher Salimov, 7.Islomjon Toshpo‘latov, 9.Nizomjon Norov (38.Muhammad Ali Abdurahmonov, 78), 14.Jasur Xolto‘rayev (10.Murodbek Bobojonov, 84), 15.Vladimir Bubanya, 19.Nuriddin Hasanov, 20.Husniddin G‘ofurov, 55.Sharafildin Shobirov, 66.Behruz Shaydulov, 77.Asror G‘ofurov.
Ogohlantirishlar: Fayzullo Qambarov (85), Asror G‘ofurov (90+3).
Izoh (0)