Ronaldu 300 millionlik dovondan o‘tdi, “Paxtakor”ning puldan “dardi yo‘q” Derdiyoki va o‘zbekistonlik taekvondochilarning tarixiy natijasi. Eng so‘nggi sport yangiliklari

Dunyo va o‘zbek sportiga oid 18-iyun kunining muhim xabarlari dayjesti bilan tanishing.

O‘zbekiston

“Paxtakor”da futbolchilar, murabbiylar va rahbariyatning yillik daromadi e’lon qilindi. Klub ro‘yxatda keltirilgan shaxslarga yiliga 50 milliard so‘m mablag‘ sarflashi, “sherlar”ning shveysariyalik legioneri Eren Derdiyok esa yiliga 16 milliarddan ko‘proq maosh olishi ma’lum bo‘ldi. Derdiyok “Paxtakor”da kuniga 45 million so‘m, soatiga 1,9 million so‘m, daqiqasiga esa 31 ming so‘m ishlab topmoqda.

Taekvondo

Livan poytaxtida 18-iyun kuni taekvondo WTF bo‘yicha Osiyo chempionati o‘z yakuniga yetdi. Musobaqada O‘zbekiston terma jamoasi musobaqani 3 ta oltin, 1 ta kumush va 6 ta bronza medali bilan yakunladi. Bu orqali O‘zbekiston o‘z tarixidagi eng yaxshi natijasini yangiladi.

Musobaqaning o‘zbekistonlik sovrindorlari bilan tanishing:

Oltin medal

• -53 kg: Charos Qayumova
• -62 kg: Feruza Sodiqova
• -63 kg: Niyaz Po‘latov

• -49 kg: Madinabonu Mannopova

• -68 kg: Jasur Jaysunov
• -46 kg: Shohsanam A’zamova
• -74 kg: Shahboz Tusmatov
• -80 kg: Nikita Rafalovich
• -87 kg: Shuhrat Salayev
• +80 kg: Shohruh Rajabov

Ronaldu navbatdagi dovonni zabt etdi

Portugaliya terma jamoasi va “Yuventus” klubi hujumchisi Krishtianu Ronalduning Instagram’dagi foydalanuvchilari soni 300 millionga yetdi. Portugaliyalik futbolchi bu marrani zabt etgan dunyodagi ilk shaxs bo‘ldi. Undan keyingi o‘rinlarda aktyor Dueyn Jonson (246 mln), qo‘shiqchi Ariana Grande (244 mln) va model Kayli Jenner (241 mln) bormoqda. 2021-yil boshida Ronaldu Instagram’da 250 millionlik dovonda o‘tgandi.

Rafael Varanning “Real”da qolishi hali so‘roq ostida turibdi. Tomonlar hamon yangi shartnoma borasida kelishuvga erisha olmagan, deya xabar qilmoqda Goal. Madridliklar kelishuvni uzaytirish imkoni bo‘lmagan taqdirda futbolchini shu yozda sotib yubormoqchi. “Real” Varanni 70 million yevroga baholamoqda, biroq jiddiy taklif bo‘ladigan bo‘lsa narx 40—50 millionga qadar tushishi ham mumkin.

Yevro—2020 finali Londondan Budapeshtga ko‘chiriladimi?

Daily Mail’ning xabariga ko‘ra, agar Buyuk Britaniya homiylar, VIP-shaxslar va jurnalistlar uchun karantinni bekor qilmaydigan bo‘lsa, final Londondan olib qo‘yiladi. Biroq bu xabardan uzoq vaqtdan o‘tmay UEFA bu borada hech qanday gap-so‘z yo‘qligi va final “Uembli”da o‘tishini ma’lum qildi.

Eslatib o‘tamiz, Vengriya poytaxtida Yevro o‘yinlari tomoshabinlar bilan deyarli to‘lgan stadionda bo‘lib o‘tmoqda.

UEFA Yevro matbuot anjumanlarida homiylar mahsulotiga teginishni taqiqlab qo‘ydi. Ronaldu boshlab bergan o‘ziga xos “chellenj” rasman taqiqlandi. Krishtianu dastlabki tur oldidan bo‘lib o‘tgan matbuot anjumani stol ustida turgan Coca-Cola idishlarini surib qo‘ygandi. Keyinchalik Pol Pogba pivo idishini olib qo‘ydi. Shu va shunga o‘xshash holatlar yana bir necha bor qaytarildi.