Роналду 300 миллионлик довондан ўтди, «Пахтакор»нинг пулдан «дарди йўқ» Дердийоки ва ўзбекистонлик таэквондочиларнинг тарихий натижаси. Энг сўнгги спорт янгиликлари

Дунё ва ўзбек спортига оид 18 июнь кунининг муҳим хабарлари дайжести билан танишинг.

Ўзбекистон

«Пахтакор»да футболчилар, мураббийлар ва раҳбариятнинг йиллик даромади эълон қилинди. Клуб рўйхатда келтирилган шахсларга йилига 50 миллиард сўм маблағ сарфлаши, «шерлар»нинг швейсариялик легионери Эрен Дердийок эса йилига 16 миллиарддан кўпроқ маош олиши маълум бўлди. Дердийок «Пахтакор»да кунига 45 миллион сўм, соатига 1,9 миллион сўм, дақиқасига эса 31 минг сўм ишлаб топмоқда.

Таэквондо

Ливан пойтахтида 18 июнь куни таэквондо WTF бўйича Осиё чемпионати ўз якунига етди. Мусобақада Ўзбекистон терма жамоаси мусобақани 3 та олтин, 1 та кумуш ва 6 та бронза медали билан якунлади. Бу орқали Ўзбекистон ўз тарихидаги энг яхши натижасини янгилади.

Мусобақанинг ўзбекистонлик совриндорлари билан танишинг:

Олтин медал

• -53 кг: Чарос Қаюмова
• -62 кг: Феруза Содиқова
• -63 кг: Нияз Пўлатов

• -49 кг: Мадинабону Маннопова

• -68 кг: Жасур Жайсунов
• -46 кг: Шоҳсанам Аъзамова
• -74 кг: Шаҳбоз Тусматов
• -80 кг: Никита Рафалович
• -87 кг: Шуҳрат Салаев
• +80 кг: Шоҳруҳ Ражабов

Роналду навбатдаги довонни забт этди

Португалия терма жамоаси ва «Ювентус» клуби ҳужумчиси Криштиану Роналдунинг Instagram’даги фойдаланувчилари сони 300 миллионга етди. Португалиялик футболчи бу маррани забт этган дунёдаги илк шахс бўлди. Ундан кейинги ўринларда актёр Дуэйн Жонсон (246 млн), қўшиқчи Ариана Гранде (244 млн) ва модель Кайли Женнер (241 млн) бормоқда. 2021 йил бошида Роналду Instagram’да 250 миллионлик довонда ўтганди.

Рафаэл Вараннинг «Реал»да қолиши ҳали сўроқ остида турибди. Томонлар ҳамон янги шартнома борасида келишувга эриша олмаган, дея хабар қилмоқда Goal. Мадридликлар келишувни узайтириш имкони бўлмаган тақдирда футболчини шу ёзда сотиб юбормоқчи. «Реал» Варанни 70 миллион еврога баҳоламоқда, бироқ жиддий таклиф бўладиган бўлса нарх 40—50 миллионга қадар тушиши ҳам мумкин.

Евро—2020 финали Лондондан Будапештга кўчириладими?

Daily Mail’нинг хабарига кўра, агар Буюк Британия ҳомийлар, VIP-шахслар ва журналистлар учун карантинни бекор қилмайдиган бўлса, финал Лондондан олиб қўйилади. Бироқ бу хабардан узоқ вақтдан ўтмай УЕФА бу борада ҳеч қандай гап-сўз йўқлиги ва финал «Уэмбли»да ўтишини маълум қилди.

Эслатиб ўтамиз, Венгрия пойтахтида Евро ўйинлари томошабинлар билан деярли тўлган стадионда бўлиб ўтмоқда.

УЕФА Евро матбуот анжуманларида ҳомийлар маҳсулотига тегинишни тақиқлаб қўйди. Роналду бошлаб берган ўзига хос «челленж» расман тақиқланди. Криштиану дастлабки тур олдидан бўлиб ўтган матбуот анжумани стол устида турган Coca-Cola идишларини суриб қўйганди. Кейинчалик Пол Погба пиво идишини олиб қўйди. Шу ва шунга ўхшаш ҳолатлар яна бир неча бор қайтарилди.