Serxio Ramos 16 yillik faoliyatidan so‘ng “Real”ni tark etdi. 17-iyun kuni Serxio xayrlashuv marosimida ishtirok etib, o‘z hissiyotlari bilan bo‘lishdi. Ijtimoiy tarmoqlarda sardorning jamoadoshlari, murabbiylari unga tilaklarini bildirdi:

“Real Madrid” Twitter’da Ramosga bag‘ishlangan 3 daqiqalik rolikni taqdim etdi: 

“Real”ning sobiq murabbiyi Zidan ham Ramosga o‘z tilaklarini bildirdi: Afsona! Sen bilan birga ishlash maroqli bo‘ldi. Tarixdagi eng yaxshi sardor. Barchasi uchun rahmat!

“Real Madrid” afsonasi Iker Kasilyasning fikrlari: Do‘stim, bugun uyingni tark etyapsan, lekin abadiy “Real”ning afsonasi bo‘lib qolasan! Sen bilan juda ko‘p ajoyib lahzalarni birga o‘tkazganimdan xursandman. Senga omad tilayman. Buyuk futbolchi va buyuk inson!

Marselo: Oh, sardor! Mening sardorim! Mening akam! Shu vaqtgacha sendan ko‘p narsa o‘rgandim, juda ajoyib lahzalarni boshdan kechirdik. Seng muvaffaqiyat tilayman. Bunga loyiqsan!!! Afsona 4!!!

Nacho: Hamma narsada menga o‘rnak bo‘ladigan sardor va afsona. Sen juda ko‘p narsani o‘zgartirib yubording, sog‘inib qolamiz. Doim seni kuzatamiz, do‘stim. Katta rahmat!

Tibo Kurtua: Shuncha vaqt birga o‘tkazganimiz uchun rahmat! Sen “Real” va futbol afsonasisan. Eng yaxshi tilaklar senga, sardor!

Rafael Varan: Juda ko‘p sovrinlarni qo‘lga kiritgan tirik afsona va sardor. Sen bilan juftlikda to‘p surganimdan baxtliman va sendan ko‘p narsa o‘rgandim. Madridda o‘tkazgan vaqtlaring, himoyadagi o‘yining, gollaring unutilmaydi! Hurmat!!!

Isko: Bu avlodni va jamoani g‘alaba sari yetaklaganing uchun rahmat, barchasini o‘zgartirib yuborgan 93-daqiqa uchun rahmat, eng yaxshi jamoadosh va sardorsan! Hayotingning yangi bosqichida senga omad tilayman!

Toni Kroos: Eng yaxshi! Himoyachi! Barcha davrlarning!

Kazemiro: Sen bilan yelkama-yelka kurashish sharaf edi, sardor. Kelajakdagi ishlaringga omad!

Karim Benzema: Sardordan ham ortiqroq! Do‘stim, akam, “Real”ning muvaffaqiyati yo‘lida birga o‘tkazgan damlarimiz uchun rahmat! Eng yaxshi tilaklar senga, afsona!

Mavzuga doir: “Real” navbatdagi afsonasiga chiqish eshiklarini ko‘rsatdi. Serxio Ramos va Florentino Peres o‘rtasidagi uzoq yillik “urush” haqida

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!