O‘zbekiston bilan Qozog‘iston aviatsiya ma’muriyatlarining 2021-yil may oyidagi kelishuviga muvofiq ikki davlat o‘rtasida yangi muntazam aviaqatnovlar tashkil etilmoqda. Bu haqda Transport vazirligi matbuot xizmati xabar berdi.
Ikki mamlakat o‘rtasida yangi muntazam reyslar yo‘lga qo‘yiladi, jumladan:
- Samarqand—Olmaota—Samarqand yo‘nalishida Uzbekistan Airways va Air Astana aviakompaniyalarining har biri tomonidan haftasiga 2 marotabadan qatnov amalga oshiriladi;
- Turkiston—Toshkent—Turkiston yo‘nalishida Air Astana aviakompaniyasi tarkibiga kiruvchi Fly Arystan aviakompaniyasi tomonidan haftasiga 2 marotaba qatnov bajariladi.
Shuningdek, Uzbekistan Airways va SCAT Airlines aviakompaniyalarining har biri tomonidan Urganch—Aqtau–Urganch (haftasiga 2-marta) yo‘nalishida hamda SCAT Airlines aviakompaniyasi tomonidan Aqtau—Nukus—Aqtau (haftasiga 1-marta) yo‘nalishida muntazam aviaqatnovlar amalga oshirilmoqda.
Avvalroq Toshkent va Kiyev o‘rtasida to‘g‘ridan to‘g‘ri reys yana yo‘lga qo‘yilishi, Air Astana aviakompaniyasi Samarqand va Olmaota o‘rtasida muntazam parvozlarni amalga oshirishi to‘g‘risida xabar berilgandi.
Izoh (0)