Ўзбекистон билан Қозоғистон авиация маъмуриятларининг 2021 йил май ойидаги келишувига мувофиқ икки давлат ўртасида янги мунтазам авиақатновлар ташкил этилмоқда. Бу ҳақда Транспорт вазирлиги матбуот хизмати хабар берди.
Икки мамлакат ўртасида янги мунтазам рейслар йўлга қўйилади, жумладан:
- Самарқанд—Олмаота—Самарқанд йўналишида Uzbekistan Airways ва Air Astana авиакомпанияларининг ҳар бири томонидан ҳафтасига 2 маротабадан қатнов амалга оширилади;
- Туркистон—Тошкент—Туркистон йўналишида Air Astana авиакомпанияси таркибига кирувчи Fly Arystan авиакомпанияси томонидан ҳафтасига 2 маротаба қатнов бажарилади.
Шунингдек, Uzbekistan Airways ва SCAT Airlines авиакомпанияларининг ҳар бири томонидан Урганч—Ақтау–Урганч (ҳафтасига 2 марта) йўналишида ҳамда SCAT Airlines авиакомпанияси томонидан Ақтау—Нукус—Ақтау (ҳафтасига 1 марта) йўналишида мунтазам авиақатновлар амалга оширилмоқда.
Аввалроқ Тошкент ва Киев ўртасида тўғридан-тўғри рейс яна йўлга қўйилиши, Air Astana авиакомпанияси Самарқанд ва Олмаота ўртасида мунтазам парвозларни амалга ошириши тўғрисида хабар берилганди.
Изоҳ (0)