Rahmonbek Usmonov boshqa ishga o‘tishi munosabati bilan transport vazirining o‘rinbosari lavozimidan ozod etildi. Bu haqda Telegram’dagi “Nigoh” kanali xabar berdi.
Eslatib o‘tamiz, 2021-yilning yanvar o‘rtalarida Prezident Shavkat Mirziyoyev qarori bilan Toshkentning sobiq hokimi, Yunusobod tumani hokimi Rahmonbek Usmonov O‘zbekiston transport vazirining o‘rinbosari etib tayinlangandi.
Ma’lumot uchun, Rahmonbek Usmonov 1960-yili Toshkent shahrida tug‘ilgan. 1982-yili Toshkent avtomobil yo‘llari institutini tamomlagan.
U 2011–2012-yillarda Toshkent shahri hokimi vazifasini bajaruvchi, 2012–2018-yillarda esa Toshkent shahri hokimi lavozimida ishlagan. Bundan tashqari, hokim 2018-yil apreldan oktabrgacha O‘zbekiston avtomobil transporti agentligi rahbarining birinchi o‘rinbosari, 2018-yil oktabridan Toshkent shahrining Yunusobod tumani hokimi sifatida ishlagan.
Izoh (0)