JCh—2022 yo‘lida. Karantin cheklovlari sabab darvozabonsiz qolgan Qirg‘iziston kutilmaganda autsayderga yutqazib qo‘ydi

Futbol bo‘yicha JCh—2022 saralashi doirasida Qirg‘iziston terma jamoasi 7-iyun kuni Mo‘g‘ulistonga qarshi bahs olib bordi.

Uchrashuvning 34-daqiqasida Oyunbatarin Mijiddorj tomonidan kiritilgan to‘p o‘yin taqdirini hal qildi.

Qayd etish kerak, mazkur o‘yin oldidan Qirg‘iziston terma jamoasi qiyin holatda qoldi. Jamoaning uch nafar darvozaboni koronavirus yuqtirib olganlikda gumon qilinganlar ro‘yxatiga kiritildi va o‘yinga qo‘yilmagan. Qirg‘iziston esa texnik mag‘lubiyatdan qochish maqsadida darvozabon chizig‘iga himoyachi Ayzar Akmatovni qo‘yishga majbur bo‘ldi.

Ushbu natijadan keyin Qirg‘iziston terma jamoasi 7 ochko bilan uchinchi o‘rinni egallab turibdi. Mo‘g‘uliston esa 6 ochko bilan 5-o‘rinda qoldi.

Ushbu o‘yindan keyin F guruhidagi holat quyidagi ko‘rinishni olgan:

1. Yaponiya — 18 ochko (6 o‘yin)
2. Tojikiston — 10 (6)
3. Qirg‘iziston — 7 (6)
4. Myanma — 6 (6)
5. Mo‘g‘uliston — 6 (8)