Lyublyanda bo‘lib o‘tgan yoshlar o‘rtasidagi Yevropa chempionatining hal qiluvchi o‘yinida Germaniya yoshlar terma jamoasi Portugaliya ustidan 1:0 hisobida g‘alaba qozonib, chempionga aylandi.
Bu nemis yoshlari uchun ushbu musobaqadagi 3-chempionlik bo‘ldi. Faqatgina Ispaniya va Italiya terma jamoalari sovrinlar bo‘yicha nemislardan oldinda (har ikkalasi 5 martadan chempion bo‘lgan).
Germaniya ketma-ket uchinchi bor finalga chiqdi. Yevro—2017 da chempionga aylangan bo‘lsa, 2019-yilda bo‘lib o‘tgan musobaqa finalida Ispaniyaga imkoniyatni boy berib, kumush medal bilan cheklangandi.
Germaniya, Ruminiya, Niderlandiya va Vengriya kabi jamoalardan tashkil topgan A guruhida nemislar birinchi o‘rinni egallab, keyingi bosqichga yo‘l oldi. Chorak finalda Daniya bilan 2:2 hisobi qayd etildi va penaltilar seriyasida Germaniya U-21 terma jamoasi g‘alabani qo‘lga kiritdi. Yarim finalda nemislar guruhdoshi bo‘lgan Niderlandiya bilan yana to‘qnash keldi. Virtsning dubli Germaniyani final bosqichiga olib chiqdi.
Yevro—2021 (U-21)
Final
Germaniya U-21 — Portugaliya U-21 1:0
Gol: 1:0 — 49, NmechaGermaniya U-21: Damen, Baku, Shlotterbek, Piper, Mayer, Raum, Dorsh (Yanelt, 85), O‘zjan (Shtax, 90), Virts (Adeyemi, 67), Nmecha (Yakobs, 85), Berisha (Burkardt, 67).
Portugaliya U-21: Dyogu Koshta, Dyogu Keyrush, Konte (Gonsalu Ramush, 86), Dyogu Leyte, Dyogu Dalot, Florentinu (Jedson Fernandesh, 83), Daniel Bragansa, Fabiu Vyera, Vitinya (Jota, 59), Mota (Rafael Leau, 46), Tyagu Tomash (Fransishku Konseysau, 59).
Ogohlantirishlar: Virts (12), Nmecha (43), Daniel Bragansa (58), Raum (90), O‘zjan (90), Jota (90)
Izoh (0)