Люблянда бўлиб ўтган ёшлар ўртасидаги Европа чемпионатининг ҳал қилувчи ўйинида Германия ёшлар терма жамоаси Португалия устидан 1:0 ҳисобида ғалаба қозониб, чемпионга айланди.
Бу немис ёшлари учун ушбу мусобақадаги 3-чемпионлик бўлди. Фақатгина Испания ва Италия терма жамоалари совринлар бўйича немислардан олдинда (ҳар иккаласи 5 мартадан чемпион бўлган).
Германия кетма-кет учинчи бор финалга чиқди. Евро—2017 да чемпионга айланган бўлса, 2019 йилда бўлиб ўтган мусобақа финалида Испанияга имкониятни бой бериб, кумуш медал билан чекланганди.
Германия, Руминия, Нидерландия ва Венгрия каби жамоалардан ташкил топган А гуруҳида немислар биринчи ўринни эгаллаб, кейинги босқичга йўл олди. Чорак финалда Дания билан 2:2 ҳисоби қайд этилди ва пенальтилар сериясида Германия U-21 терма жамоаси ғалабани қўлга киритди. Ярим финалда немислар гуруҳдоши бўлган Нидерландия билан яна тўқнаш келди. Вирцнинг дубли Германияни финал босқичига олиб чиқди.
Евро—2021 (U-21)
Финал
Германия U-21 — Португалия U-21 1:0
Гол: 1:0 — 49, НмечаГермания U-21: Дамен, Баку, Шлоттербек, Пипер, Майер, Раум, Дорш (Янелт, 85), Ўзжан (Штах, 90), Вирц (Адееми, 67), Нмеча (Якобс, 85), Бериша (Буркардт, 67).
Португалия U-21: Дёгу Кошта, Дёгу Кейруш, Конте (Гонсалу Рамуш, 86), Дёгу Лейте, Дёгу Далот, Флорентину (Жедсон Фернандеш, 83), Даниэль Браганса, Фабиу Вера, Витиня (Жота, 59), Мота (Рафаэл Леау, 46), Тягу Томаш (Францишку Консейсау, 59).
Огоҳлантиришлар: Вирц (12), Нмеча (43), Даниэль Браганса (58), Раум (90), Ўзжан (90), Жота (90)
Изоҳ (0)