Qashqadaryo viloyati Qarshi shahrida yo‘lning belgilanmagan qismidan kesib o‘tayotgan piyodani Nexia avtomobili urib ketdi, deya xabar qilmoqda YHXBB matbuot xizmati.
Qayd etilishicha, 2021-yilning 30-may kuni soat 01:00 larda Qarshi shahar Islom Karimov va Nasaf ko‘chalari kesishgan chorrahada haydovchi R.B. Nexia rusumli avtomobilida belgilanmagan joydan yo‘lni kesib o‘tayotgan piyodani urib yuborgan.
Oqibatda piyoda, 1996-yilda tug‘ilgan B.O. tan jarohati bilan shifoxonaga murojaat qilgan.
Mazkur YTH yuzasidan Qarshi shahar IIO FMB YHXB tomonidan surishtiruv harakatlari olib borilmoqda.
Bundan avval Farg‘onada bir kechada yuz bergan 3 ta YTH oqibatida skuter va velosiped haydovchilari vafot etgani, Qirg‘izistonda prezident korteji ishtirokida YTH ro‘y bergani hamda Qashqadaryoda Damas va Lacetti ishtirokida sodir bo‘lgan YTH oqibatida ota-bola halok bo‘lgani haqida xabar berilgandi.
Izoh (0)