Pokistonning sharqiy qismida joylashgan Panjob provinsiyasida yog‘gan kuchli yomg‘ir tufayli 10 kishi halok bo‘lib, uch kishi jarohatlandi. Bu haqda “Korrespondent.net” xabar berdi.
Ma’lumotlarga ko‘ra, sakkiz kishi, shu jumladan, to‘rt nafar bola va uch nafar ayol Okara shahrida, jala paytida uyning tomi qulab tushishi natijasida qurbon bo‘lgan.
Boshqa aholi punktida bir kishi bino yonidan o‘tib ketayotganda, devor qulashi natijasida, yana bir kishi yashin urishi oqibatida hayotdan ko‘z yumgan.
Pokiston Meteorologiya boshqarmasining prognozlariga ko‘ra, mamlakatning boshqa hududlarida ham jala yog‘ishi, kuchli shamol bo‘lishi mumkin.
https://twitter.com/MalikShazain786/status/1399330221141135362
Avvalroq Xitoyning Gansu provinsiyasidagi Bayin tog‘ida bo‘lib o‘tgan chang‘i marafoni chog‘ida noqulay ob-havo tufayli 21 kishi halok bo‘lgani haqida xabar berildi. Marafonda jami 172 kishi qatnashgan. Tadbirga munitsipalitet partiya qo‘mitasi homiylik qilgan.
Tojikistonda 11-may kuni kuchli yomg‘ir tufayli Xatlon viloyatining bir qator tumanlari va respublikaga bo‘ysunadigan tumanlar hududida sodir bo‘lgan sel toshqinida 7 kishi halok bo‘ldi.
Izoh (0)