Покистоннинг шарқий қисмида жойлашган Панжоб провинциясида ёғган кучли ёмғир туфайли 10 киши ҳалок бўлиб, уч киши жароҳатланди. Бу ҳақда «Korrespondent.net» хабар берди.
Маълумотларга кўра, саккиз киши, шу жумладан, тўрт нафар бола ва уч нафар аёл Окара шаҳрида, жала пайтида уйнинг томи қулаб тушиши натижасида қурбон бўлган.
Бошқа аҳоли пунктида бир киши бино ёнидан ўтиб кетаётганда, девор қулаши натижасида, яна бир киши яшин уриши оқибатида ҳаётдан кўз юмган.
Покистон Метеорология бошқармасининг прогнозларига кўра, мамлакатнинг бошқа ҳудудларида ҳам жала ёғиши, кучли шамол бўлиши мумкин.
#Chakwal #Pubjab #Pakistan 🇵🇰
— Malik (@Rahi000786) May 31, 2021
Right Now #Storm #Hail #Rain pic.twitter.com/DIjn9qhubl
Аввалроқ Хитойнинг Гансу провинциясидаги Байин тоғида бўлиб ўтган чанғи марафони чоғида ноқулай об-ҳаво туфайли 21 киши ҳалок бўлгани ҳақида хабар берилди. Марафонда жами 172 киши қатнашган. Тадбирга муниципалитет партия қўмитаси ҳомийлик қилган.
Тожикистонда 11 май куни кучли ёмғир туфайли Хатлон вилоятининг бир қатор туманлари ва республикага бўйсунадиган туманлар ҳудудида содир бўлган сел тошқинида 7 киши ҳалок бўлди.
Изоҳ (0)