Xitoydagi chang‘i marafoni chog‘ida noqulay ob-havo oqibatida 21 kishi halok bo‘ldi

Xitoyning Gansu provinsiyasidagi Bayin tog‘ida bo‘lib o‘tgan chang‘i marafoni chog‘ida 21 kishi halok bo‘ldi. Bu haqda Sinxua qutqaruvchilarga tayanib xabar bergan.

Toshkent vaqti bilan 23-may soat 05:00 holatiga ko‘ra, 151 kishi qutqarib olingan, ularning sakkiz nafari yengil jarohatlar olgan bo‘lib, kasalxonaga yotqizilgan.

“Mamlakatning qayta tiklanishi” deb nomlangan chang‘i marafoni 22-may kuni bo‘lib o‘tdi. Yo‘nalishning uzunligi 100 km bo‘lib, uning 30 kilometrgacha bo‘lgan qismi baland tog‘li hududlarga to‘g‘ri kelgan.

Kun o‘rtalarida tadbirning ba’zi qatnashchilari tomonidan bu tumanlarda havo keskin va o‘ta sovib ketgani haqida xabarlar kelib tusha boshlagan. Tog‘larda harorat nol darajagacha tushib ketgan. Do‘l va muzli yomg‘ir boshlanib, shamol kuchaygan. Chang‘ichilarning o‘zlari yozgi kiyimlarda bo‘lgan.

Bunday xabarlardan keyin hudud rahbariyati tog‘dagi poyga ishtirokchilariga yordam ko‘rsatish uchun 700 dan ortiq odamni jalb qilgan. Haroratning yanada tushib ketishi qidiruv ishlarini qiyinlashtirgan.

Marafonda jami 172 kishi qatnashgan. Tadbirga munitsipalitet partiya qo‘mitasi homiylik qilgan.