O‘zbekistonda har yili 500 ga yaqin nomusga tegish va nomusga tegishga urinish jinoyatlari qayd etiladi. Bu haqda Davlat statistika qo‘mitasi ma’lumotlari guvohlik bermoqda.
Qo‘mitaning so‘nggi 14 yil bo‘yicha taqdim etilgan ma’lumotiga ko‘ra, mamlakatda oxirgi uch yilda bu ko‘rsatkich sezilarli pasaygan. Nomusga tegish va nomusga tegishga urinish bo‘yicha rasman qayd etilgan jinoyatlar 2014-yilda yuqori bo‘lgan — 635 nafar ayol ushbu jinoyat qurboni bo‘lgan. Eng kam ko‘rsatkich esa 2019-yilda qayd etilgan — 204 ta.
Quyida so‘nggi 14 yil davomida mamlakatda rasman ro‘yxatga olingan nomusga tegish va nomusga tegishga urinish jinoyatlari soni keltirildi:
- 2007-yil — 474;
- 2008-yil — 541;
- 2009-yil — 520;
- 2010-yil — 494;
- 2011-yil — 537;
- 2012-yil — 613;
- 2013-yil — 592;
- 2014-yil — 635;
- 2015-yil — 583;
- 2016-yil — 442;
- 2017-yil — 379;
- 2018-yil — 218;
- 2019-yil — 204;
- 2020-yil — 217.
Qo‘mita ma’lumotlaridan ko‘rinishicha, ushbu jinoyatni sodir etganlar orasida ayollar ham bor, ammo yil davomida bunday holatlar soni 7 tadan oshmaydi.
Senatning Sud-huquq masalalari va korrupsiyaga qarshi kurashish qo‘mitasi raisi Narimon Umarov Oliy Majlis Senatining 23-aprel kuni o‘tkazilgan yalpi majlisida 2020-yilda nomusga tegish jinoyati 27,7 foizga oshganini aytgandi.
