Bugun,

  • USD 11095.31
  • RUB 173.84
  • EUR 10772.44

O‘zbekiston Respublikasi Prezidenti Shavkat Mirziyoyev 28-may kuni mamlakatda amaliy tashrif bilan bo‘lib turgan Rossiya sog‘liqni saqlash vaziri Mixail Murashko boshchiligidagi delegatsiyani qabul qildi.

Foto: Prezident matbuot xizmati

Foto: Prezident matbuot xizmati

O‘zbekiston bilan Rossiya o‘rtasida sog‘liqni saqlash sohasidagi amaliy hamkorlikni yanada kengaytirish masalalari ko‘rib chiqildi.

Davlat rahbari bugungi xavf-xatarlar ilg‘or xalqaro tajriba asosida samarali sog‘liqni saqlash tizimini rivojlantirish va zamonaviy texnologiyalarni joriy etish naqadar muhim ekanini yana bir bor ko‘rsatganini alohida ta’kidladi. Pandemiyaga qarshi kurashishda ko‘rsatilgan ko‘mak, shu jumladan, aholini emlashda amalga oshirilayotgan samarali hamkorlik uchun minnatdorlik bildirildi.

Foto: Prezident matbuot xizmati

Foto: Prezident matbuot xizmati

Ustuvor yo‘nalishlarda, shu jumladan, onkologiya, gematologiya, virusologiya, nefrologiya, transplantologiya, farmakologiya va boshqa sohalardagi qo‘shma dastur hamda aniq loyihalarni amalga oshirish masalalari muhokama qilindi. “Elektron sog‘liqni saqlash” tizimini joriy qilish va telemeditsinani keng rivojlantirishga alohida e’tibor qaratildi.

Yuqori malakali tibbiyot xodimlarini tayyorlash borasidagi yaqin sheriklikni davom ettirish, jumladan, Toshkent shahrida Rossiyaning yetakchi N.I.Pirogov nomidagi tibbiyot universiteti filialining faoliyatini tez fursatda tashkil etish, shuningdek, Rossiyaning yetakchi klinikalari negizida vrachlar almashish va ularning malakasini oshirish dasturlarini kengaytirish yuzasidan kelishuvga erishildi.

Foto: Prezident matbuot xizmati

Foto: Prezident matbuot xizmati

Sog‘liqni saqlash vaziri Mixail Murashko O‘zbekistonda aholiga tibbiy xizmat ko‘rsatish sifatini tubdan yaxshilash borasida amalga oshirilayotgan islohotlarni yuksak baholab, Rossiya o‘zbekistonlik sheriklar bilan sog‘liqni saqlash sohasidagi keng ko‘lamli tizimli hamkorlikni rivojlantirish hamda tibbiyotning turli sohalarida zamonaviy bilimlar va ilg‘or tajriba bilan bo‘lishishga tayyor ekanini ta’kidladi.

Bundan avval Shavkat Mirziyoyev o‘simliklarni himoya qilish tizimini takomillashtirish chora-tadbirlari bo‘yicha yig‘ilish o‘tkazgani, O‘zbekiston–Tojikiston demarkatsiya qo‘shma komissiyasining navbatdagi yig‘ilishi bo‘lib o‘tgani hamda Shavkat Mirziyoyev “Rossiya temir yo‘llari” bosh direktorini qabul qilgani haqida xabar berilgandi.

Izoh
Asosiy yangiliklar
Mahalliy
Nukus voqealari bo‘yicha uch nafar huquqni muhofaza qiluvchi organ xodimi qamoqqa olindi 
Dunyo
G7 davlatlari Xitoy, Shimoliy Koreya va Eronga qarshi sanksiyalar tayyorlamoqda — Bloomberg
Mahalliy
Oʻzbekistonning yanvar oyidagi budjet daromadi ochiqlandi