Bugun,

  • USD 11095.31
  • RUB 173.84
  • EUR 10772.44

Qiziqchi Iskandar Hamroqulov YouTube’dagi YashinTV kanaliga intervyu berdi. U suhbat davomida qanday mavzularni sahnaga olib chiqishni umuman xohlamasligi yoki qo‘rqishi haqida gapirdi.

Oddiy ichkilik masalalarida tanqidiy yondashgan holda, zo‘r kulgiga boy materiallar tayyorlash mumkin. Kuldirib gapiryapsiz-u, lekin bu yerda satira bor. Bir erkakning ichib keladigan holati, ro‘zg‘origa, bolasiga olib keladigan go‘sht-nonidan ko‘ra ichkilikni ustun ko‘rishini ko‘rsatib berasiz. Uning holatini ifodalab berasiz, lekin hozirgi tomoshabinlarimizdan menga ichkilikni targ‘ib qilyapsan, degan fikrlar ko‘paymoqda.

Bundan tashqari, YPX xodimlari bilan bo‘ladigan qiziqarli hangomalar bor, hayotda yuz berganlari bor. Lekin men mana shu hajviyalarni olib chiqib, ijro qilishdan qo‘rqaman, chunki ko‘chada yuraman, baribir safarda ko‘p yuramiz. Bilasizmi, oddiy “Qalpoq” guruhining YPX xodimlariga qilgan hazillariga men jamoani tark etganimga 6-7 yil oshganligiga qaramay, sen ham “Qalpoq”da eding deb, ularning alamini mendan olgan vaziyatlar ham ko‘p yuz berdi. “Akalar, men u rolda o‘ynamaganman, men alohida ijod qilyapman” desam, “Sen ham o‘shalarning birisan” deb 2-3 marta tazyiq ham qilishgan. Shu sababdan ular bilan konfliktga bormoqchi emasman. Ko‘chada tinchroq yuray, asabim buzilmasin, yana xo‘rlanmay degan maqsadda qo‘rquv bor, ya’ni shunday mavzularga qo‘l urmaslikka harakat qilaman. Yana bunga o‘xshash mavzular bor, lekin aytsam kimlargadir tegib ketishi mumkin. Bir pastda sen unday qilibsan, sen bunday qilibsan, deb kelishi mumkin.

Ayol obrazlarini hech qanaqasiga qabul qilolmayman. Ayol kishini xatti-harakatlarini qilib, ayol obrazini yaratish mumkindir, lekin men shunaqa narsalarni o‘zimga ep ko‘rmayman. Ayol kishining xarakterini ko‘rsatib berish yoki ayol kishidek gapirishni ham xohlamayman.

Doimo chegarani ushlaymiz: Iskandar Hamroqulovning ijodiy mahsulini, qaynota bilan kelin bemalol o‘tirib ko‘rsin, ona bilan o‘g‘il bemalol ko‘rsin. Bir-biridan xijolat bo‘lmasin.

Iskandar Hamroqulov, qiziqchi, “Qalpoq” ko‘rsatuvi sobiq a’zosi

Ma’lumot uchun, Iskandar Hamroqulov Toshkent teatr va rassomchilik institutining musiqali drama fakultetini tugatgan. 2003—2004-yillarda “Qalpoq” ko‘rsatuvi a’zosi sifatida faoliyat olib borgan. Ijodi mobaynida olti marotaba yakkaxon konsert dasturlarini taqdim etgan.

Izoh
Asosiy yangiliklar
Mahalliy
Rossiya bosh vaziri Mishustin O‘zbekistonga keldi (foto)
Dunyo
“Daryo” kundaligida 1-dekabrda sodir bo‘lgan eng muhim voqealar
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi