Toirov Farrux Salomovich Surxondaryo viloyati hokimining o‘rinbosari – mahalla va oilani qo‘llab-quvvatlash boshqarmasi boshlig‘i lavozimiga tayinlandi. Bu haqda viloyat hokimligi matbuot xizmati xabar qildi.
Farrux Toirov 1980-yilda Denov tumanida tug‘ilgan. O‘zbekiston Ichki ishlar akademiyasini 2002-yilda bakalavr, 2004-yilda magistr yo‘nalishlari bo‘yicha tugatgan. Mutaxassisligi – huquqshunos. Harbiy unvoni – polkovnik.
Farrux Toirov mehnat faoliyati davomida Surxondaryo viloyati IIB Jinoyat qidiruv va terrorizmga qarshi kurashish boshqarmasida mas’ul lavozimlarda, shuningdek, Uzun va Sariosiyo tumanlarida ichki ishlar bo‘limi boshlig‘i sifatida faoliyat yuritgan.
U 2019-yildan to shu kungacha Surxondaryo viloyati ichki ishlar boshqarmasi boshlig‘ining o‘rinbosari – xavfsiz turizmni ta’minlash boshqarmasi boshlig‘i lavozimida ishlab kelayotgandi.
Farrux Toirov bu lavozimda Abdusalom Xo‘jaqulov o‘rnini egalladi. Avvalroq Abdusalom Xo‘jaqulov Sariosiyo tumanning yangi hokimi etib tasdiqlangani haqida xabar berilgandi.
Bundan avval Davlat soliq qo‘mitasi raisiga yangi o‘rinbosar, Farg‘ona viloyati hokimiga yangi o‘rinbosar hamda Farg‘ona viloyati hokimiga yangi o‘rinbosar tayinlangani haqida xabar berilgandi.
Izoh (0)