Тоиров Фаррух Саломович Сурхондарё вилояти ҳокимининг ўринбосари – маҳалла ва оилани қўллаб-қувватлаш бошқармаси бошлиғи лавозимига тайинланди. Бу ҳақда вилоят ҳокимлиги матбуот хизмати хабар қилди.
Фаррух Тоиров 1980 йилда Денов туманида туғилган. Ўзбекистон Ички ишлар академиясини 2002 йилда бакалавр, 2004 йилда магистр йўналишлари бўйича тугатган. Мутахассислиги – ҳуқуқшунос. Ҳарбий унвони – полковник.
Фаррух Тоиров меҳнат фаолияти давомида Сурхондарё вилояти ИИБ Жиноят қидирув ва терроризмга қарши курашиш бошқармасида масъул лавозимларда, шунингдек, Узун ва Сариосиё туманларида ички ишлар бўлими бошлиғи сифатида фаолият юритган.
У 2019 йилдан то шу кунгача Сурхондарё вилояти ички ишлар бошқармаси бошлиғининг ўринбосари – хавфсиз туризмни таъминлаш бошқармаси бошлиғи лавозимида ишлаб келаётганди.
Фаррух Тоиров бу лавозимда Абдусалом Хўжақулов ўрнини эгаллади. Аввалроқ Абдусалом Хўжақулов Сариосиё туманнинг янги ҳокими этиб тасдиқлангани ҳақида хабар берилганди.
Бундан аввал Давлат солиқ қўмитаси раисига янги ўринбосар, Фарғона вилояти ҳокимига янги ўринбосар ҳамда Фарғона вилояти ҳокимига янги ўринбосар тайинлангани ҳақида хабар берилганди.
Изоҳ (0)