Uzbekistan Airways 2021 йилнинг 15 июнидан бошлаб Москванинг Домодедово аэропортидан парвозлар тикланиши ҳақида эълон қилди.
«Парвозларни қайта тиклаш тўғрисидаги қарор, авваламбор, ўзбек авиакомпаниясининг қулайлиги ва рейсларида йўловчиларга хизмат кўрсатиш даражасининг ошиши билан боғлиқ», – дейилади хабарда.
Uzbekistan Airways’нинг Россиядаги минтақавий вакили Акмал Жўраев авиакомпания ва Домодедово ҳамкорлиги йўловчиларга вақт ва парвоз харажатларини сезиларли даражада тежаш учун янги имкониятлар очишини таъкидлади.
«Биз ҳамкорликнинг янги саҳифасини очмоқдамиз ва аэропортнинг технологиялари ҳамда ваколатларидан фойдаланиб, Uzbekistan Airways’нинг бозордаги мавқейини мустаҳкамлашга интиляпмиз. Ишончим комилки, Ўзбекистоннинг бой тарихи ва маданияти сайёҳларнинг эътиборини тортади, шунингдек, авиакомпания парвозларидаги қулайлик ва хизмат сифати Домодедоводан жўнаб кетиш учун сабаб бўлади», – деди Домодедово аэропорти директори Андрей Павлов.
Бундан аввал Ўзбекистон ва БАА ўртасида авиарейслар сони оширилиши, Саудия Арабистонининг Flynas авиакомпанияси Ўзбекистонга мунтазам қатновларни амалга оширишни режалаштираётгани ҳамда Uzbekistan Airways меҳнат муҳожирларига чегирмаларни бекор қилиши ҳақида хабар берилганди.
Изоҳ (0)