Грэйс Келлидан Меган Марклгача: Олигарх ва қироллик оиласи вакилларига турмушга чиққан актрисалар (фото)

Ҳар доим ҳам зодагонлар ўзлари сингари қироллик оиласи вакилаларига уйланиши табиий ҳол бўлиб келган. Аммо уларнинг айримлари илк учрашувдаёқ истеъдодли ҳамда таниқли актрисаларни танлаган.

Грэйс Келли

Грэйс ўтган асрнинг энг гўзал, истеъдодли ҳамда муваффақиятли актрисаларидан. Унинг қўлини сўраган эркаклар талайгина бўлган. Аммо унинг кўнглини Монако шаҳзодаси Рене III забт этган. Жуфтлик Канн фестивалида танишган. 1956 йилда Рене ва Грэйснинг никоҳ тўйи бўлиб ўтган. Бу никоҳ ҳаттоки «аср тўйи» деб ҳам номланган. Шундан кейин Грэйс актрисалик фаолиятини тўхтатган.

Ташқаридан қараганда, Грэйс чиндан ҳам бахтли кўринар эди. Сабаби у худди эртаклардагидек ўз шаҳзодасини топганди. Бироқ шаҳзоданинг яқинлари уни ўта рашкчи ва рафиқасига қўпол муносабатда эканлигини маълум қилган. Рене Грэйсга жуда кўп масалаларда тақиқ қўйган. Нима бўлганида ҳам, Монако ҳукмдори автоҳалокатда вафот этган рафиқасига бир умр содиқ қолди.

Жа Жа Габор

Жа Жа тўққиз марта турмушга чиққан ва унинг тўққизинчи турмуш ўртоғи зодагонлардан бўлди. 1986 йилда у ўзидан 23 ёш кичик немис князи Фредерик фон Анхалтга турмушга чиққан. Улар 2016 йил, Фредерикнинг ўлимига қадар бир оила бўлиб яшаган.

Лаура Херринг

1985 йилда АҚШ гўзалига айланган Лаура Германия канцлери Отто фон Бисмаркнинг чевараси Карл Эдуард фон Бисмарк билан танишган. Жуфтлик 1987 йил турмуш қурган ва орадан икки йил ўтиб ажрашган. Миш-мишларга кўра, Херринг актрисалик фаолиятига тўсқинлик қилган инсон билан яшашни хоҳламаган. Ажримдан сўнг у яна карьерасини давом эттирган.

Оливия Уайлд

Оливия 18 ёшида италиялик зодагон ва кинорежиссёр Тао Располига турмушга чиққан. У италиялик княз Алессандро Располининг ўғли бўлиб, Оливия никоҳдан кейин маликага айланган. Орадан 8 йил ўтиб, жуфтлик ажрашиб кетган. Маълум бўлишича, бунга сабаб Оливия фарзанд кўришни истамаган.

Элия Захария

2010 йилда албаниялик актриса ва хонанда Албания шаҳзодаси Леки II билан унаштирилган. Ўша вақтдан бошлаб Элия севгилиси билан барча расмий ташрифларда ҳамкорлик қила бошлаган. Уларнинг тўй маросимида қадимги Европа оилалари вакиллари, шунингдек, турли мамлакатлардаги қирол оилалари иштирок этган.

Клотилда Куро

Клотилда муваффақиятли карьерага эга бўлгач, Венеция шаҳзодаси Эммануэль Филиберт билан танишган. Жуфтликнинг никоҳ тўйи 2003 йилда бўлиб ўтган. Гарчи шаҳзоданинг қариндошлари бу никоҳга қарши бўлса-да, улар ҳанузгача бирга. Шунингдек, малика ўз карьерасини давом эттирмоқда.

Софи Уинклман

Британиянинг қирол оиласи аъзоси билан турмуш қурган биринчи актриса Софи Уинкман эди. 2009 йилда лорд Фредерик Виндзорга турмушга чиққан. У Кент шаҳзодасининг ягона ўғли ва қиролича Елизаветанинг жияни. Фредерик қироллик унвонига меросхўрлар қаторида 48-ўринда туради. Айтганча, Софи ҳам тўйдан кейин карьерасини тарк этмади ва суратга тушишда давом этди.

Меган Маркл 

2016 йил Меган шаҳзода Гарри билан учрашди. Кўпчилик Гарри ва Меган муносабатини жиддий деб ўйламаган. Бироқ Гарри унга уйланиш нияти борлигини билдирганда, барча ҳайратда қолган. Актрисанинг ҳам ҳаёти кўплаб муҳокамаларга сабаб бўлган. Бир вақтлар саҳналарда рол ижро этган афроамерикалик аёл Британия тахти меросхўрларининг бирининг рафиқаси бўлиши ҳеч кимнинг хаёлига ҳам келмаган. Гап-сўзларга қарамай, 2018 йилда Гарри ва Меган турмуш қурди ва Арчи исмли ўғил кўрди. Ҳозирда жуфтлик иккинчи фарзандининг дунёга келишини кутмоқда.