Bir sahnada yetakchi mahalliy va xorijiy ekspertlar, marketologlar hamda yirik kompaniyalarning top-menejerlari chiqish qiladi, ular boshqaruv, marketing va sotuvlardagi shaxsiy tajribalari bilan o‘rtoqlashadi. Forum ishtirokchilarida bozor ekspertlaridan dolzarb bilimlar va marketing hamda reklamaning samarali vositalarini olishning noyob imkoniyati bo‘ladi.
Makon Marketing Forum — 2021 biznes forumi 22-mayda Toshkentda bo‘lib o‘tadi. Forumda ishtirokchilarni O‘zbekiston, Ukraina, Gruziya, Rossiyadan kelgan ekspertlarning chiqishlari kutmoqda. Ma’ruzachilar o‘z shaxsiy tajribalari bilan o‘rtoqlashadi va biznes uchun murakkab bo‘lgan davrda, loyihalarni qanday rivojlantirish to‘g‘risida maslahatlar beradi.
“Forumning asosiy vazifasi — professional marketing maydonini yaratish. Unda yilda bir marta real tajriba, bilimlarga ega mahalliy hamda xorijiy ma’ruzachilar eng faol marketolog va tadbirkorlarimiz bilan uchrashadi va o‘zining hayotiy voqealari va o‘tgan yil davomidagi kuzatuvlarini hamkasblar, boshlovchi tadbirkorlar bilan baham ko‘radi. Bu vazifani biz ado etib kelmoqdamiz. Bu yil ushbu formatda uchinchi bor marketologlar va ekspertlar to‘planadi va u mamlakatimizda biznesni rivojlantirayotgan mutaxassislarni birlashtiruvchi yagona, har yilgi tarmoq tadbiriga aylanadi”, — deb fikr bildiradi forum tashkilotchisi, Milliy marketing markazi boshqaruvi raisi Diyor Mirzaahmedov.
O‘tgan yilda forum faqat onlayn formatda o‘tgan edi. Bu yil karantin choralari va oflayn ishtirokchilar soniga cheklovlar hali ham amalda. Shu sababli tashkilotchilar bunday marketing forumida birinchi marta, ishtirokning aralash formatidan foydalanishga qaror qildi. Bu forumda onlayn qatnashish ham mumkinligini anglatadi. Bunday format biznes forumda mavjudlik effektini, barcha ma’ruzachilar chiqishlarini jonli efirda ko‘rish va tinglash imkoniyatini beradi. Forum Makon Marketing’ning YouTube kanalida namoyish etiladi.
Forumni dunyoning istalgan nuqtasidan ko‘rish mumkin. Bu esa mamlakatimizdan uzoqda bo‘lgan va O‘zbekistondagi biznes hamda marketing borasidagi dolzarb masalalar haqida xabardor bo‘lishni istaganlarda, bunday talabgir va dolzarb kontentdan foydalanishda geografik, vaqt yoki boshqa cheklovlar bo‘lmasligini anglatadi.
Oxirgi yildagi raqobat kuchayishi sababli tobora ko‘proq tadbirkorlar marketing biznesni rivojlantirish muhimligini va sotuvlarni oshirish nafaqat mahsulot yoki xizmatning o‘ziga, balki ko‘p jihatdan to‘g‘ri maqomni tanlay bilishga, iste’molchining dardini topa olishga, maqsadli auditoriya bilan kommunikatsiyaga, marketing faoliyatining ko‘plab boshqa tarkibiy unsurlariga bog‘liqligini tushuna boshladi.
Aynan shu sababli, bu yil biznes forum slogani shunday yangraydi: “Marketing biznesni rivojlantiradi!”. Makon Marketing Forum — 2021 birinchi navbatda, olg‘a intilish uchun zarur bo‘lgan professionallarning faol muloqoti, turli g‘oyalar va fikrlarni ifodalash uchun maydon. Bu bir kun marketing ummoniga “sho‘ng‘ish” va industriyaning dolzarb tendensiyalari haqida barcha narsani bilib olish imkoniyati.
Tashkilotchilar Makon Marketing Forum — 2021’da qatnashish har kim uchun yangi rivojlanish istiqbollarini ochishiga, samarali vositalar va tendensiyalar to‘g‘risida bilimlar berishiga, ular esa raqobatchilarga qaraganda jo‘shqinroq rivojlanish imkonini yaratishiga amindir. Ular eng keng ko‘lamli tarmoq tadbirini faol qo‘llab-quvvatlashga taklif etadi.
Makon Marketing Forum — 2021 ma’ruzachilari
- Kamron G‘ulomov, Akfa Group bosh direktori (O‘zbekiston);
- Murod Nazarov, Murad Buildings asoschisi (O‘zbekiston);
- Yelena Leonova, RMXA vitse-prezidenti, CEO Progression Group, Seven RA direktori (Rossiya);
- Arina Strelnikova, Seven RA yangi biznes bo‘yicha direktor (Rossiya);
- Nikolay Chumak, IDNT kompaniyasi rahbari (Ukraina);
- Zafar Hoshimov, Korzinka.uz supermarketlar tarmog‘i asoschisi (O‘zbekiston);
- Roman Sayfulin, Makro supermarketlar tarmog‘i boshqaruvchisi (O‘zbekiston);
- Valeriy Razumov, Baraka Market do‘konlar tarmog‘i bosh direktori (O‘zbekiston);
- Mixail Pishvanov, Vosxod RA rivojlantirish bo‘yicha direktori (Rossiya);
- Spartak Tetrashvili, TBC Bank Uzbekistan rahbari (Gruziya).
Biznes forum yakunlanishi bilan “2020-yil brendi” mukofoti g‘oliblarini taqdirlashning tantanali marosimi o‘tkaziladi.
Forum tashkilotchilari
- O‘zbekiston Respublikasi Monopoliyaga qarshi kurashish qo‘mitasi, Milliy marketing markazi;
- Bosh hamkor – Akfa Group.
Izoh (0)