«Насаф» клуби бош мураббийи Рўзиқул Бердиев ОФК Кубоги 1-тури доирасида «Олой»га қарши кечадиган баҳс олдидан ўтказилган матбуот анжумани ўз фикрлари билан ўртоқлашди. Бу ҳақда «Championat.asia» хабар қилмоқда.
Мазкур мусобақага узоқ вақт тайёргарлик кўрдик. Рақибларимиз оддий жамоалар эмас. Олдинда бизни осон бўлмаган учрашувлар кутмоқда. Кайфият яхши. Муносиб тайёргарлик кўрдик. Буни майдонга чиқиб исботлаш қолди.«Насаф» ва «Олой» ўртасидаги ўйин 14 май куни бўлиб ўтади ва Тошкент вақти билан 17:00 да старт олади.Ўзбекистон клубларининг даражаси ва «Олой» клуби ҳақида
Даража ҳақидаги фикрингизга унчалик қўшилмаган бўлардим. ОЧЛда ҳамма кўрган бўлса керак, Тожикистоннинг «Истиқлол» жамоаси кўпчиликни ҳайрон қолдирди. Ваҳоланки, кўпчилик «Ал-Ҳилол» ва «Пахтакор»ни фаворит деб ўйлаганди. Биз рақибларга жиддий муносабатда бўляпмиз. Ҳозир кучли ёки кучсизга ажратадиган пайт эмас. Гуруҳдаги тўртта жамоа ҳам бир хил даражада. Ўйин қандай бўлишини эртага кўрамиз.
ОФК Кубоги «Насаф» учун нуфузли мусобақами?
Биз учун, ҳа. Биласиз жамоамиз ёш. Ушбу мусобақа ёш футболчиларга тажриба тўплаш учун қулай имкониятдир. ОФК Кубоги муҳим мусобақа саналади. Биринчи галдаги мақсад — гуруҳдан чиқиш.
Сунъий қопламали майдон борасида
Машғулотларда ҳеч қандай жароҳат олиш ҳолатлари бўлмади. Тўғри, бу биз учун ноқулай. 2-3 кун ичида мослашиб олишга ҳаракат қилдик.
Рўзиқул Бердиев, «Насаф» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)