Davlat Soliq qo‘mitasi birlashgan kasaba uyushmasi vakillari hamda Oliy Majlis Qonunchilik palatasi deputati Rasul Kusherbayev o‘rtasidagi masala sudgacha olib borilmasdan, to‘xtatishga qaror qilindi, deb xabar bermoqda qo‘mita matbuot xizmati.
Ma’lum qilinishicha, Davlat soliq qo‘mitasi birlashgan kasaba uyushmasi vakillari hamda Oliy Majlis Qonunchilik palatasi deputati Rasul Kusherbayev uchrashib, muzokaralar davomida yuzaga kelgan vaziyat muhokama qilindi.
“Har ikki tomonning ham maqsadi va maslagi birligi, ya’ni mamlakatimiz taraqqiyoti va xalqimiz turmush farovonligi yo‘lida xizmat qilish ekanligi ta’kidlandi. Masalani sudgacha olib bormasdan, to‘xtatishga qaror qilindi”, — deyiladi qo‘mita xabarida.
Davlat soliq qo‘mitasi Rasul Kusherbayevning “Human.uz” axborot portalidagi “So‘z blogerlarga” ko‘rsatuvining 23-fevraldagi sonida aytgan haqoratomuz so‘zlarini sabab qilib, Fuqarolik ishlari bo‘yicha Shayxontohur tumanlararo sudiga da’vo arizasi kiritgan, unda deputatning hatti-harakatlari soliq organlariga 4,6 milliard so‘m miqdorida zarar yetkazganligi da’vo qilingandi.
Rasul Kusherbayevga 4-may kuni kelgan chaqiruv qog‘ozida deputat va Soliq qo‘mitasi kasaba uyushmalari o‘rtasidagi sud jarayoni 12-may kuni soat 11:30 da Shayxontohur tumanlararo sudida bo‘lishi belgilangandi.
Izoh (0)