Futbol bo‘yicha Angliya Premyer Ligasining 35-turida “Manchester Yunayted” 9-may, yakshanba kuni “Aston Villa” maydonida mehmon bo‘ldi.
Uchrashuvda hisob Bertran Traore tomonidan 24-daqiqada ochildi. Jamoalar tanaffusga shu hisobda yo‘l oldi. Ikkinchi 45 daqiqalik gollarga boy bo‘ldi. Dastlab Brunu Fernandesh 11 metrlik jarima zarbasini golga aylantirib, muvozanatni tiklagan bo‘lsa, 56-daqiqada Meyson Grinvud manchesterliklarni hisobda oldinga olib chiqqan golga mualliflik qildi. O‘yin yakunlanishi arafasida esa Edinson Kavani jamoasining 3-golini urdi va o‘yinga yakuniy nuqtani qo‘ydi. Shu tariqa Ole-Gunnar Sulsher shogirdlari safarda kechgan bahsda irodali g‘alabani tantana qildi.
Ushbu g‘alabadan keyin “qizil iblis”larning ochkolari soni 70 taga yetdi. Jamoa peshqadam “Manchester Siti”dan 10 ochkoga ortda qolgan holda musobaqa jadvalida ikkinchi o‘rinda bormoqda. “Aston Villa” esa (48) 11-pog‘onani band etgan.
APL
35-tur bahsi
9-may, yakshanba
“Aston Villa” — “Manchester Yunayted” 1:3
Gollar: 1:0 — 24 Traore, 1:1 — 52 Brunu Fernandesh, 1:2 — 56 Grinvud, 1:3 — 87 Kavani.“Aston Villa”: Martines, Mingz, Targett, Konsa, Kesh, Makginn, Barkli (Devis, 77), Duglas Luis (Remzi, 65), el-Gazi (Uesli, 77), Traore, Uotkins.
“Manchester Yunayted”: Henderson, Uan-Bissaka, Lindelyof, Maguayr (Bayi, 78), Shou, Fred, Pogba, Brunu Fernandesh (Matich, 86), Maktomini, Reshford, Grinvud (Kavani, 65).
Ogohlantirishlar: Uotkins (45), Maguayr (67), Makginn (79).
Chetlatish: Uotkins (89).
Izoh (0)