Футбол бўйича Англия Премьер Лигасининг 35-турида «Манчестер Юнайтед» 9 май, якшанба куни «Астон Вилла» майдонида меҳмон бўлди.
Учрашувда ҳисоб Бертран Траоре томонидан 24-дақиқада очилди. Жамоалар танаффусга шу ҳисобда йўл олди. Иккинчи 45 дақиқалик голларга бой бўлди. Дастлаб Бруну Фернандеш 11 метрлик жарима зарбасини голга айлантириб, мувозанатни тиклаган бўлса, 56-дақиқада Мэйсон Гринвуд манчестерликларни ҳисобда олдинга олиб чиққан голга муаллифлик қилди. Ўйин якунланиши арафасида эса Эдинсон Кавани жамоасининг 3-голини урди ва ўйинга якуний нуқтани қўйди. Шу тариқа Оле-Гуннар Сульшер шогирдлари сафарда кечган баҳсда иродали ғалабани тантана қилди.
Ушбу ғалабадан кейин «қизил иблис»ларнинг очколари сони 70 тага етди. Жамоа пешқадам «Манчестер Сити»дан 10 очкога ортда қолган ҳолда мусобақа жадвалида иккинчи ўринда бормоқда. «Астон Вилла» эса (48) 11-поғонани банд этган.
АПЛ
35-тур баҳси
9 май, якшанба
«Астон Вилла» — «Манчестер Юнайтед» 1:3
Голлар: 1:0 — 24 Траоре, 1:1 — 52 Бруну Фернандеш, 1:2 — 56 Гринвуд, 1:3 — 87 Кавани.«Астон Вилла»: Мартинес, Мингз, Таргетт, Конса, Кеш, Макгинн, Баркли (Дэвис, 77), Дуглас Луис (Рэмзи, 65), эл-Гази (Уэсли, 77), Траоре, Уоткинс.
«Манчестер Юнайтед»: Ҳендерсон, Уан-Биссака, Линдельоф, Магуайр (Байи, 78), Шоу, Фред, Погба, Бруну Фернандеш (Матич, 86), Мактомини, Рэшфорд, Гринвуд (Кавани, 65).
Огоҳлантиришлар: Уоткинс (45), Магуайр (67), Макгинн (79).
Четлатиш: Уоткинс (89).
Изоҳ (0)