Saul “Kanelo” Alvares yengilmas Billi Jo Sondresga qarshi. 9-may tongida katta boks kechasi bo‘lib o‘tadi

AQShning Arlington shahrida (Texas shtati) Toshkent vaqti bilan 9-may tongida katta boks kechasi bo‘lib o‘tadi.

Musobaqaning asosiy jangi super o‘rta vazn toifasida WBC va WBA chempionlik kamarlari sohibi Saul “Kanelo” Alvares (55-1-2, 37 KO) hamda mazkur vazn divizionida WBO chempioni Billi Jo Sondres (30-0, 14 KO) o‘rtasida kechadi.

Sakkizta jangdan iborat musobaqa Toshkent vaqti bilan 05:00 da boshlanadi. Alvares va Sonders o‘rtasidagi jang taxminan 08:00 dan keyin bo‘lib o‘tadi (bu vaqt avvalgi janglardagi vaziyatga qarab o‘zgarishi mumkin).

Musobaqaning ikkinchi asosiy jangida birinchi mutlaq yengil vazn toifasida WBO chempioni Elvin Soto (18-1, 12 KO) va Katsunari Takayama (32-8, 12 KO) o‘zaro to‘qnash keladi.