O‘zbekistonda 6-may kuni jami 37 158 nafar kishi COVID-19’ga qarshi emlandi, deya xabar beradi Sog‘liqni saqlash vazirligi matbuot xizmati. Shulardan 23 979 nafari birinchi bosqichda, 13 179 nafar fuqaro esa ikkinchi bosqichda emlangan.

Foto: SSV matbuot xizmati

Hozirgi kungacha O‘zbekistonda koronavirusga qarshi 1 046 668 doza vaksinadan foydalanildi, ularning 45 712 dozasi ikkinchi bosqichda qo‘llanilgan. Shunga ko‘ra, mamlakatda emlanganlar soni salkam 1 million 956 kishini tashkil etmoqda.

6-may kunidagi emlash ko‘rsatkichlari bo‘yicha yuqori o‘rinlarni

  • Andijon viloyati (8532 doza),
  • Namangan viloyati (5390 doza),
  • Qashqadaryo viloyati (3661 doza) band qildi.

Koronavirusga qarshi emlangan jami aholi soni

  • Farg‘ona viloyatida 129 565 doza,
  • Andijon viloyatida 126 625 doza,
  • Namangan viloyatida 113 950 doza,
  • Samarqand viloyatida 101 859 dozani tashkil qilmoqda.

Eslatib o‘tamiz, 1-maydan O‘zbekistonda vaksinatsiyaning ikkinchi oyi boshlandi. Vaksinatsiyaning birinchi bosqichi 1-apreldan boshlangandi. Dastlabki bosqichda 65 yoshdan kattalar, surunkali kasalligi borlar, tibbiyot va ta’lim muassasalari (maktab va bog‘cha) xodimlari, shuningdek, huquq-tartibot organlari vakillari emlangandi.