Ҳафтанинг бир куни хорижий тилларни ўзлаштириш ва ўрганиш куни этиб белгиланади. Бу ҳақда Шавкат Мирзиёев раислигида ўтказилган чет тилларини янада ривожлантиришга бағишланган видеоселектор йиғилишида маълум қилинди, дея хабар қилмоқда «Дарё» мухбири.
«Ҳар бир вазирлик, идора, давлат компаниялари ва йирик хусусий корхоналарда чет тилларини ўрганишни оммалаштиришимиз зарур. Бунда ҳафтанинг бир куни хорижий тилларни ўзлаштириш ва ўрганиш куни этиб белгиланади.
Бунинг учун вазирлик ва идоралар, ҳокимликлар олийгоҳ ва хусусий таълим ташкилотлари мутахассисларини шартнома асосида жалб қилиб, ходимларга чет тилини ўргатишни ва хорижий тилларда ишлашни йўлга қўяди.
Келгуси йилдан бошлаб давлат идораларига ишга қабул қилиш ва янги лавозимга тайинлашда хорижий тилни билишнинг мажбурий талаби киритилади. Бу қаттиқ талаб, шунга интилмасак, кейин кеч бўлади. Ҳокимлар ҳам ҳоким бўлиши учун тил билиши керак. Ҳаммага бир йил вақт берамиз.
Чет тилини чуқур эгаллаган ходимларнинг иш ҳақига 20 фоизгача қўшимча устама белгилаш тартиби жорий этилади», – деди давлат раҳбари.
Мавзуга доир:
- «Олийгоҳлардаги 78 фоиз профессор-ўқитувчиларнинг чет тилини билиш даражаси қониқарсиз аҳволда» — Шавкат Мирзиёев
- «Мактаб ўқитувчиларига янги адабиёт ва қўлланмаларни сотиб олиш учун бюджетдан 1 миллион сўмдан маблағ ажратилади» – Шавкат Мирзиёев
- Шавкат Мирзиёев Ўзбекистондаги қишлоқларда нодавлат ўқув марказларини ривожлантиришга катта эътибор қаратилишини айтди
- Шавкат Мирзиёев ЖИДУда БМТ билан ҳамкорликда Чет тилларини чуқур ўргатиш маркази ташкил этилишини маълум қилди
Изоҳ (0)