“Chelsi” Chempionlar Ligasi yarim final javob bahsida “Real”ni mag‘lub etib (2:0), musobaqa finaliga chiqdi.
Tomas Tuxel shogirdlari finalda “Manchester Siti”ga qarshi bahs olib boradi. O‘yin 29-may kuni Istanbul shahrida bo‘lib o‘tadi.
Londonliklar klubi 2012-yildan beri ilk bor finalga chiqqan bo‘lsa, “Siti” Chempionlar Ligasi tarixida birinchi marta finalda o‘ynaydi.
Shu tariqa Chempionlar Ligasi finalida ingliz klublarining o‘zaro to‘qnash kelishi 3-marta kuzatiladi. 2008-yilda “Manchester Yunayted” va “Chelsi”, 2019-yilda esa “Liverpul” hamda “Tottenhem” o‘zaro duch kelgandi.
Bu borada APL klublari La Liga bilan tenglashib oldi. 1992-yilda musobaqa formati o‘zgargandan beri 8 ta finalda bir mamlakat vakillari to‘qnash kelgan: APL va La Liga 3 martadan, Germaniya hamda Italiya klublari bir martadan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)