AQShning Karson shahrida (Nevada shtati) Toshkent vaqti bilan 2-may tongida professional boks kechasi bo‘lib o‘tdi.
Musobaqaning asosiy jangi og‘ir vazn toifasida sobiq Jahon chempioni Endi Ruis (34-2, 22 KO) va amerikalik bokschi Kris Arreola (38-7-1, 38 KO) o‘rtasida kechdi.
Jang to‘liq davom etdi va yakunda Ruis ochkolar hisobiga ko‘ra raqibidan ustun keldi: 118-109, 118-109, 117-110.
Qayd etish kerak, Arreola ikkinchi raundda Endini nokdaun holatiga tushirgandi, biroq Ruis vaziyatni o‘nglab oldi va qolgan raundlardagi faol harakati bilan jangda yutib chiqdi.
https://twitter.com/premierboxing/status/1388703408358625281
Eslatib o‘tamiz, 2019-yilning iyunida Ruis Entoni Joshuaga qarshi jangda g‘alaba qozonib, britaniyalik bokschining bir yo‘la to‘rtta chempionlik kamariga ega chiqqandi. O‘sha yil so‘ngida o‘tkazilgan revansh jangida esa Joshua g‘alaba qozongandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)