“Spartak” yarim himoyachi Oston O‘runov uchun 3 million yevro talab qilmoqda, deb xabar beradi “Sports.ru” “RB Sport” nashriga tayanib.
Qayd etilishicha, “Ufa” “Spartak”ka 20 yoshli o‘zbekistonlik futbolchini 1 million yevro evaziga sotib olish to‘g‘risida rasmiy so‘rov yuborgan. Ammo “Spartak” javob xatida yarim himoyachini 3 million yevrodan kamiga qo‘yib yubormasligini ma’lum qilgan.
Avvalroq “Ufa” bosh direktori Shamil Gazizov klub O‘runovni sotib olish istagida ekanligi haqida gapirgandi.
Ushbu xabarga Moskva klubining jamoatchilik bilan aloqalar departamenti direktori Anton Fetisov ham munosabat bildirdi.
“Ufa” O‘runov transferi bo‘yicha taklif yuborgani yo‘q. Avvalgi holatlarda ham shunday bo‘lgan: Shamil Gazizov OAV orqali Ostonga taklif yuborilganini aytgan, lekin hech qanday rasmiy qog‘oz yo‘q edi. Va biz rad etganimizdan keyingina taklif kelib tushgan. Har safar takliflar juda kamtarona bo‘lgan.Ma’lumot uchun, O‘runov 2020-yilning avgust oyida 1 million yevro evaziga “Ufa”dan “Spartak”ka o‘tgandi. Ammo u poytaxt klubida muntazam o‘yin amaliyotiga ega bo‘lmadi va 2021-yilning fevralida ijara asosida “Ufa”ga qaytdi.“Spartak” futbolchiga sarflagan xarajatni, shu jumladan maosh va ko‘tarma pullarni ham qaytarishni xohlaydi. Ko‘proq ishlab olsak-ku, juda zo‘r, chunki Gazizov O‘runovning 20—30 million yevro turadigan Osiyoning yangi yulduzi bo‘lishini bot-bot ta’kidlagandi.
Anton Fetisov, “Spartak” jamoatchilik bilan aloqalar bo‘limi direktori
Oston Rossiya chempionatining 2020/21-yilgi mavsumida 14 ta o‘yinda maydonga tushib, birorta samarali harakatni amalga oshirmadi.
Mavzuga doir: Parfe Bizoza: Oston O‘runov “Ufa”da moda qiroli
Izoh (0)