Carrefour’da to‘lovlar endi yanada oson va qulay bo‘ldi.
O‘zbekistonda Majid Al Futtaim egalik qiluvchi va boshqaradigan Carrefour chakana savdo tarmog‘i o‘z do‘konlarida Payme Go kontaktsiz to‘lovlari ishga tushirilganligi to‘g‘risida e’lon qildi. Bugundan boshlab, xaridorlarga taqdim etiladigan bu dastur xaridor va chakana savdo xodimlari o‘rtasidagi aloqalarni kamaytiradi, shu bilan birga mahsulotlarga haq to‘lash jarayonini tezlashtiradi.
Carrefour mijozlari uchun yana bir texnologiyaga asoslangan tajriba, Payme Go mijozlarning jismoniy bank kartalari ma’lumotlarini QR kodga o‘zgartiradi. Kod foydalanuvchining smartfonida namoyon bo‘ladi va uni mijoz kassirga, jismoniy kartalar o‘rniga to‘lash vaqtida taqdim etadi. Kassir QR kodni skanerlaydi va kerakli qiymat plastik kartadan ko‘chirib olinadi. Barcha tushumlar dasturning to‘lov tarixida saqlanadi.
Payme Go’ning asosiy afzalligi — bu uning offlayn ishlashi va mijozning to‘lovni internet xizmatlaridan mustaqil ravishda to‘liq amalga oshirish qobiliyati hisoblanadi.
“Payme Go kontaktsiz to‘lov vositasining joriy etilishi Carrefour mijozlari uchun yangi raqamli vositalar orqali yuqori tajribani yaratishda yana bir qadamdir. Endi Payme Go nafaqat mijozlarning kassalarda ko‘proq vaqtini tejashi, balki pandemiya sharoitida ularning xavfsizligini saqlashga ham yordam beradi. Chunki to‘lov jarayoni kontaktsiz bo‘lib qoladi”, — deb yangi Payme Go xizmati haqida fikr bildirdi Carrefour Uzbekistan’ning Majid Al Futtaim Retail kompaniyasi bosh menejeri Gyu Taeg Kim.
Payme Go xizmatini nafaqat ishlatish oson, balki xavfsizdir, chunki har bir yaratilgan QR kod faqat bitta to‘lov uchun mo‘ljallangan. Har bir QR kodning ishlash muddati 30 soniyani tashkil qiladi, undan so‘ng yana yangi QR kod avtomatik ravishda hosil bo‘ladi. Bu har bir kodning funksionalligi bilan noyobligini ta’minlaydi va uni ikkinchi marta ishlatib bo‘lmaydi.
Payme Go orqali amalga oshirilgan har bir xarid MyClub dasturi bilan bog‘langanligi sababli, Carrefour mijozlari ushbu xizmatdan foydalanganda MyClub sodiqlik dasturi mukofotlaridan bahramand bo‘ladi. Bu shuni anglatadiki, dastur a’zolari endi jismoniy sodiqlik kartalarini olib yurishlariga hojat yo‘q, bu esa qulayroq xarid qilish tajribasini yaratadi.
Facebook: https://www.facebook.com/carrefouruzbekistan
Instagram: https://www.instagram.com/carrefouruzbekistan
Telegram: https://t.me/carrefouruzbekistan
Murojaat uchun:
Telefon raqam: 99890 132 14 16
Reklama huquqi asosida.
Izoh (0)