Сурхондарё вилояти ҳокими Тўра Боболовнинг қарори билан Жўрабек Тўраев вилоят ҳокимининг туризм, спорт, маданият ва оммавий коммуникациялар масалалари бўйича ўринбосари этиб тайинланди. Бу ҳақда вилоят ҳокимлиги матбуот хизмати хабар берди.
Жўрабек Тўраев 1984 йил Бойсун туманида туғилган. 2009 йил Термиз давлат университетини, 2020 йил Ўзбекистон Президенти ҳузуридаги давлат бошқаруви академиясини тамомлаган. Мутахассислиги – иқтисодчи-тармоқлар бўйича.
Фаолияти давомида Сурхондарё вилояти иқтисодиёт бош бошқармаси бандлик, аҳоли турмуш даражаси ва истеъмол бозори бўлими етакчи мутахассиси, Сурхондарё вилояти ҳокимининг ёрдамчиси, вилоят ҳокимлиги ишлар бошқармаси бош мутахассиси — қабулхона мудири, вилоят «Озиқовқаттаъминот» ҳудудий филиали қишлоқ хўжалиги маҳсулотларини ғамлаш ва сақлаш бўлими бошлиғи, вилояти ҳокимининг ўринбосари — вилоят инвестициялар ва ташқи савдо бошқарма бошлиғи котибияти мудири ва бошқа қатор лавозимлар меҳнат қилган.
Жўрабек Тўраев янги вазифага тайинлангунга қадар вилоят ҳокимининг туризм ва спорт масалалари бўйича маслаҳатчиси лавозимида фаолият юритаётган эди.
Аввалроқ Илҳом Сапаров Сурхондарё вилояти ҳокимининг ёшлар сиёсати, ижтимоий ривожлантириш ва маънавий-маърифий ишлари бўйича ўринбосари этиб тайинлангани тўғрисида хабар берилганди.
Мавзуга доир:
Изоҳ (0)