Ўткир Саидов Туризм ва спорт вазирининг зиёрат туризми бўйича ўринбосари лавозимига тайинланди. Бу ҳақда вазирлик матбуот котиби хабар берди.
Ўткир Саидов мазкур тайинловга қадар вазирнинг маънавий-маърифий масалалар ва давлат тили бўйича маслаҳатчиси лавозимида фаолият юритган.
Ўткир Саидов 1988 йилда туғилган, 2011 йилда Самарқанд давлат чет тиллар институтини (филолог, инглиз тили ўқитувчиси) ҳамда 2015 йилда Президент ҳузуридаги Давлат бошқаруви академиясини (Master in Public Sector Management) тамомлаган.
У 2017 йилдан буён Туризмни ривожлантириш давлат қўмитасида турли лавозимларда фаолият юритиб келган.
Эслатиб ўтамиз, Туризм ва спорт вазирлиги Ўзбекистон Президентининг апрель бошидаги фармони билан Жисмоний тарбия ва спорт вазирлиги ҳамда Туризмни ривожлантириш давлат қўмитаси негизида ташкил этилди.
Вазирлик раҳбари Азиз Абдуҳакимов (бир вақтнинг ўзида бош вазир ўринбосари), биринчи ўринбосар — Улуғбек Аъзамов, ўринбосарлар — Абулазиз Оққулов, Авазжон Каримов ва Зариф Қозоқов.
Изоҳ (0)