УЕФА «Милан» ҳужумчиси Златан Ибраҳимович билан боғли ҳолат юзасидан суриштирувни бошлади.
Ташкилот расмий сайтида маълум қилинишича, УЕФА Тартиб интизом регламентининг 31.4 банди бўйича 39 ёшли футболчига нисбатан иш очилган. Златан букмекерлик компанияси билан молиявий томондан алоқадорликда гумон қилинмоқда.
Ибраҳимович 2018 йилдан бери Bethard букмекерлик идорасининг 10 фоиз улушига эгалик қилади. У тўлиқ ўзига тегишли бўлган Unknown AB фирмаси орқали компания ҳуқуқларига эгалик қилиб келгани айтилмоқда.
ФИФА ва УЕФА қоидаларига бўйича агар маълум футболчининг букмекерлик идораларига алоқаси бўлса, у ташкилотлар тасарруфидаги мусобақаларда иштирок эта олмайди.
Аввалроқ Ибраҳимович ушбу қоидаларни бузганлиги сабаб уч йилга футболга оид фаолиятдан четлатилиши мумкинлиги айтилганди.
Ибраҳимович апрель ойида «Милан» билан амалдаги шартномасини 2022 йилнинг ёзига қадар узайтирганди.
Златан Италия чемпионатининг 2020/21 йилги мавсумида 17 ўйин ўтказиб, 15 та гол ва 2 та ассистга муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)