Madridning “Real” klubi Chempionlar Ligasi yarim final dastlabki bahsi doirasida “Chelsi”ga qarshi kechadigan uchrashuv uchun kengaytirilgan tarkibni e’lon qildi.
Zinedin Zidan qaydnomaga 22 nafar futbolchini kiritdi. Himoyachi Serxio Ramos va yarim himoyachi Lukas Vaskes jarohat tufayli o‘yinda ishtirok etolmaydi. Yaqindagina jarohatidan forig‘ bo‘lgan hujumchi Eden Azar esa o‘zining sobiq jamoasiga qarshi o‘yinda maydonga tushishi mumkin.
“Real” va “Chelsi” jamoalari o‘rtasidagi bahs Toshkent vaqti bilan 27-apreldan 28-aprelga o‘tar kechasi 00:00 da boshlanadi.
“Real”ning qaydnomasi bilan tanishing:
Darvozabonlar: Tibo Kurtua, Andrey Lunin, Diyego Altube;
Himoyachilar: Dani Karvaxal, Eder Militao, Rafael Varan, Nacho, Marselo, Alvaro Odriosola, Migel;
Yarim himoyachilar: Toni Kroos, Luka Modrich, Kazemiro, Federiko Valverde, Isko, Serxio Arribas, Blanko;
Hujumchilar: Eden Azar, Karim Benzema, Marko Asensio, Vinisius Junior, Mariano Dias, Rodrigo Goes.
Izoh (0)