ОЧЛ. Отабек Шукуров жамоаси иродали ғалаба қайд этиб, муддатидан аввал плей-офф йўлланмасига эга чиқди

Осиё Чемпионлар Лигасининг 5-турида «Шаржа» 26 апрель, душанба куни «Эйр Форс»га қарши баҳс олиб борди.

Учрашувнинг 15-дақиқасида Жеферсон Коллазос ироқликларни олдинга олиб чиқди. Бунга шаржаликлар биринчи бўлимда Холид Бавазир ва Салим Солиҳнинг голлари билан жавоб қайтарди.

Иккинчи бўлим дебютида Коллазос мувозанатни тиклашга эришди. Бироқ 60-дақиқада Салим Солиҳ дублини нишонлаган ҳолда «Шаржа»га ғалаба олиб келди.

Шу тариқа ушбу ғалабадан кейин Отабек Шукуров ҳаракат қиладиган «Шаржа» гуруҳдан чиқиш масаласини муддатидан аввал ҳал қилиб қўйди.

B гуруҳида 5-турдан кейинги вазият қуйидаги кўринишни олди:

1. «Шаржа» (11 очко)
2. «Трактор» (7)
3. «Пахтакор» (4)
4. «Эйр Форс» (2)