Osiyo Chempionlar Ligasi guruh bosqichi 4-turi doirasida bo‘lib o‘tadigan “Shabob al-Ahli” — OKMK bellashuvidan avval matbuot anjumani o‘tkazildi. Unda Olmaliq klubi bosh murabbiyi Mirjalol Qosimov va hujumchi Aleksandr Kasyan ishtirok etdi.
Avvalambor, assalomu alaykum. Ekvatordan o‘tib oldik. Buyog‘iga bizni yanada og‘ir o‘yinlar kutmoqda. Sababi futbolchilarda toliqish ham bo‘lishi mumkin. Biz uchun “Shabob al-Ahli”ga qarshi bellashuv juda muhim o‘yin. Oson bo‘lmaydi. Lekin guruhdagi holatimizni yaxshilab, ochkolarni jamg‘arib olish uchun imkoniyatimiz bor. Ertaga ham muxlislarimizni xursand etish uchun maydonga chiqamiz.Shuningdek, Olmaliq klubi hujumchisi Aleksandr Kasyan ham o‘z fikrlari bilan o‘rtoqlashdi.O‘tgan o‘yinga nisbatan o‘zgarishlar bo‘lish yo bo‘lmasligi haqida
Ertangi o‘yinda katta o‘zgarishlar bo‘lmasa kerak. Darvoza o‘lchami va maydon sig‘imi ham o‘zgarmasa kerak deb o‘ylayman. Albatta, bu hazil. Avval aytganimdek, futbolni majburan o‘ynab bo‘lmaydi. Kuchli xohish va ishtiyoq bilan yurakdan o‘ynash kerak. Ikki kun oldin o‘ynadik. Muhimi, ertangi bahsda kamroq xato qilib, ko‘proq vaziyatlar yaratish hamda raqibni xato qilishga majburlab, yuzaga keladigan imkoniyatlardan foydalanish. Va, albatta, darvozabonlarga ham ko‘p narsa bog‘liq. Ular qancha ko‘p jamoani qutqarsa, bu futbolchilarga o‘yin davomida katta yengillik va ishonch beradi.
Mirjalol Qosimov, OKMK bosh murabbiyi
Hammaga salom! Bizni ajoyib uchrashuv kutmoqda. Ertangi bahs qolgan o‘yinlar kabi juda muhim. Biz maydonga murabbiylarning ko‘rsatmasini bajarish uchun, albatta, g‘alaba ishtiyoqida chiqamiz. Har uchinchi kuni futbol o‘ynash futbolchilarda jismoniy yuklamalarni oshirmoqda. Oson bo‘layotgani yo‘q. Lekin biz qayerga kelayotganimizni bilardik. Bu Chempionlar Ligasi. Hech kimga oson bo‘lmaydi. Charchoqlarga qaramasdan maydonga faqat g‘alaba uchun tushamiz. OKMK Ar-Riyodga shunchaki kelmagan, balki oldiga qo‘ygan maqsadiga erishish uchun kelgan.Jamoalarning birinchi davra doirasida o‘tkazilgan o‘yinida Qosimov shogirdlari 2:1 hisobida g‘alaba qozongandi.Aleksandr Kasyan, OKMK hujumchisi
Eslatib o‘tamiz, “Shabob Ah-Ahli” — OKMK uchrashuvi 24-aprel kuni Toshkent vaqti bilan 00:00 da boshlanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)