Samsung kompaniyasi bir vaqtning o‘zida ikki joyidan buklanuvchi birinchi planshetini taqdim etishga tayyorlanmoqda, deb xabar beradi Hi-Tech.Mail.ru.
Planshet Galaxy Z Fold Tab nomini olgan — u kompaniyaning boshqa buklanuvchi qurilmalari lineykasi g‘oyasini davom ettiradi. Samsung’ning hozirda odatdagi smartfonlar o‘rinini egallovchi buklanuvchan Galaxy Z Flip va bir vaqtning o‘zida ham telefon, ham planshet vazifasini bajaradigan Galaxy Z Fold 2 qurilmalari mavjud.
Galaxy Z Fold Tab boshqa Android-planshetlarning muqobiliga aylanadi — u ham katta ekranga ega bo‘ladi, biroq “garmoshka” kabi birdaniga ikki joyidan buklanadi. Ehtimol, bu kabi planshetni kurtka hamyonida olib yurish imkoniyati bo‘ladi.
Galaxy Z Fold Tab plansheti haqida hozircha batafsil ma’lumotlar yo‘q.
Avvalroq Xitoyning TCL kompaniyasi 6,7 dyuymga ekranini 4,5 dyuymga qadar kichraytirish mumkin bo‘lgan “rulon-smartfon” prototipini namoyish etgani, Xiaomi’ning buklanuvchan va juda qimmat flagmani — Mi MIX Fold sotuvga chiqqani to‘g‘risida xabar berilgandi.
Izoh (0)