UEFA 23-aprel, juma kuni Yevropa Superligasi asoschilarini Chempionlar Ligasidan chetlatilish masalasini muhokama qiladi.
Qayd etilishicha, agar tashkilot Chempionlar Ligasi 2020/21-yilgi mavsumining 1/2 final bosqichiga chiqqan Yevropa Superligasi jamoalarini (“Real”, “Chelsi” va “Manchester Siti”) musobaqadan chetlatish to‘g‘risida qaror qabul qilsa, ikkita ssenariy bo‘yicha ish ko‘riladi. Birinchi variantda g‘oliblik PSJga (to‘rtinchi yarim finalchi) topshirilishi mumkin, ikkinchisida esa chorak final bosqichida mag‘lubiyatga uchragan “Bavariya”, “Borussiya D” va “Portu”ni musobaqaga qaytarish ko‘zda tutilgan. Ammo PSJga g‘oliblikning topshirilish ehtimoli past, boisi yarim final va final o‘tkazilmasa, UEFA juda katta moliyaviy yo‘qotishga uchraydi.
Avvalroq Yevropaning 12 klubi boshchiligida Yevropa Superligasi tashkil etilgani ma’lum qilingandi. Ta’sischilar orasida “Real”, “Chelsi” va “Manchester Siti” klublari ham bor. Musobaqa Yevropa 20 ta kuchli klublari o‘rtasida bo‘lib o‘tadi. Mavsum avgustdan boshlanadi va o‘yinlar hafta o‘rtasida o‘tkaziladi.
Mavzuga doir:
- Rasman: Yevropa Superligasi ishtirokchilari Jahon Chempionati va Yevro musobaqalaridan chetlatiladi
- “Maqsadimiz YChL va Yevropa Ligasining o‘rnini egallash emas, ularga raqobatchi bo‘lish”. Yevropa Superligasi rahbariyati FIFA va UEFAga xat bilan chiqdi
- Futbolda asr to‘ntarilishi: Yevropa Superligasi o‘zi qanday musobaqa va nimalar bo‘lmoqda? (tafsilotlar)
Izoh (0)